سؤال للي تعينوو وسكنوا مع بعض ~

[إيمان محمد علي]

السلام عليكم ورحمة الله وبركاته


بناات سؤال .

لاحظت كثير ماشاء الله تعينو وسكنت مع معلمات زيهاا والحياة ماشية

انا اللي مقلقني شئ واحد

بماا انك ساكنه مع زميلاتك كيف تلبسي ؟ وهل طوول اليوم متشيكة ؟ طيب عادي تعيدي اللبس مره واثنين


انا عن نفسي ملابس الخرووج مااحب اعيدهاا الا اذا اضطريت واكون مقهورة كمان لو عدت لبس..

لكن ملابس البيت عادي بأعيدهاا


ماادري كيف تتصرفوو من هالناحية اللي جربت تفيدني وشكرا

[أحب التدريس]

معليش يعني الحين قلت الأسئلة ومحيرك الوضع هذا !
تركتي سالفة التعيين وكيف الدوام وجيتي لملابس البيت
طبيعي بنات عايشين أغلب وقتهم سوا بيكونون خوات وأكثر
وانتي عند خواتك شلون وضعك دايم كشخه ؟
بديهي للوضع أن حتى يلبسو البجايم ودق حنك مع بعض

الله ييسر الأمور ويرزقنا التعيين

[ماجستيرعاطله]

راح يكون الوضع طبيعي جدا ومافيه اي تكلف
طبعا انا ماجربت هالشي بس اختي ساكنه مع معلمات وكأنهم خوات
مافي فرق ابد....

[حنين للجنان]

وعليكم السلام ورحمة الله وبركاته

ماجربت الوضع بس اكيد بيكون عادي بالعكس حلو

انك تحسين براحه وعدم تكلف ..

تخيلي نفسك موظفه في اي مكان صعبه انك طوال العام

كل يوووووم بدله جديده وصعبه انك كل يوم متشيكه احيان نفسيتك

تعبانه متضايقه مالك خلق وقتها مارح تتشيكين ..

[زهر الصباح]

اذا انتي ماتحبين تكررين ملابس الخروج وتنقهرين اذا كررتي لبسها
سوي نفس الشي مع ملابس البيت كل يوم البسيلهم بجامة او قميص
على أساس انك كشنة وما تحبين تكررين الملابس
صدق ناس مادري شلون تفكر

[خوله ابراهيم]

اكيد تبي تصيرين مب فاضية للبس وكل وقتك مشغول وتبي تتعودين عليهن ان شاءالله

الله يفرح قلوبنا بالوظايف

[رند بنت محمد]

الله يصلحك بس هذا الي مشغلك بالله وش تلبسين هذا مستوى تفكيرك هذي تطلعاتك المستقبليه

بعدين بلاش تكبر على النعمه ماتحبين تعيدين اللبس ولو عدتيه تنقهرين اتقي الله غيرك يتمنى يجرب يلبس لبس جديد للعيد والا فقراء في الشتاء يموتون من البرد من حقك تصيرين كشخه بس بدون اسراف مبالغ فيه

انا عني لو اسكن مع بنات ماعندي مانع البس اسبوع نفس اللبس بس اكون نظيفه ومرتبه وريحتي حلوه

من باب اولى تفكرين في اشياء اهم تهم المستقبل مو وش تلبسون عجبي!!!!!!

[اعزه بكل مافيني]

ياااربي وايش هالتفكييير

سؤال سخيف بصراحه

وبصراحه اكثر يدل على سطحيتك بتفكير

وبعدين احنا مانبي نكشخ

اكشخي انتي لحالك ههههههههههه

مايبلها سؤال خخخخخخخخخخ

كل وحده وطبيعتها وريحي راسك ياموزه هههههههه

[رذاذ الفكر]

فيس يدور حجر والا صخرة من هالسؤال
ههههههههههههههه




اهدوا حبايبي اكلتوا البنت

معليش حبايبي حاولوا تستوعبوا افكار غيركم وان كان ظاهرها سخيف

البنت الله يهدينا ويهديها هذا مستوى تفكيرها

عاد فديتكم استوعبوها وانصحوها بالحسنى



وتراني امزح بسالفة الحجر

فكوا حجاجكم يالله

يمكن نصير صاحبات بشقة وحدة والا غرفة وحدة

عاد من اولها مانتحمل بعض

ومن هنا باعلمكم تراني ماباغير لبسي شهر كامل

لاتقولون ماعلمتكم



الله يسعد قلوبكم ويجمعنا ع خير

[عاطلة بقوة]

اكلتوا البنت بقشورها

شوفي حبيبتي انا سكنت مع بنات ثلاثه وانا الرابعه كنا زي الخوات مانضايق بعض ننتبه لنفسيات بعض ونتعاون مع بعض
بخصوص اللبس نلبس بجايم زي حياتنا في البيت
والشقه الثانيه كانوا فيها بنات اذا جونا زيارة في البداية كنا نلبس ملابس خرجه وبعدين طيحنا الميانه وصرنا نلبس بجايم
اذا مرا الموضوع هامك من دحين جهزي البجايم الماركات اشكال والوان