السلام عليكم

بما ان مواضيع مشروع الخضره كلها قديمه حبيت اجدد الموضوع ونشوف الاوضاع لان الكثير باقي محتارين مثلي

انا بالرياض وامس نزلت سوق الخضره العزيزيه عالفجر قبل الاذان بنص ساعه وخذيت لفه بالسوق وسعرت الدينات المحمله بالبطاطس لين عرفت الاسعار وبعدها دخلت عالحراج مبنى المنتجات المحليه وبرضه سعرت وعرفت اسعار السوق امس يعني استفدت شوي الحمدلله

بعض الاخوان بالمواضيع السابقه طرحو عدة طرق لتصريف البضاعه

ومنها على سيارتك او محل او بسطه او تشتري الحموله وتستفيد من فرق الاسعار حول مدينتك من قرى او مدن اخرى او توزعها عالمحلات والبوفيات والمطاعم

اليوم ودي اكرر التجربه فالي حاب يخاويني وننزل نشوف الاوضاع ونستفيد يكلمني

متابع ..

ما شاء الله عليك ودي أروح معك بس الوقت ما يسمح لي

حبيت أستفسر منك كم طلع سعر الدينات المحملة بطاطس ؟
وكم سعر الحراج ؟

ياليت تعطينا تفاصيل عن رحلتك .. وأنا صراحة جداا أفكر أدخل بهالمشاريع

كان الخيشه الصغيره من 3 ونص لين 4
والكبيره بين 6 ل 6 ونص
مين بيطلع معي الليله يله ياشباب نحمس ونشجع بعض

بالتوفيـــــــق للجميع

الي يعرف لسوق الخضار راح تغنيك عن الوظيفه

واذا انت متحمس للشغل ذا عندي لك شغله حلوه برسلك اياها عاالخاص

الله يوفقك
كنت قبل اسبوع فيها مخرج ٢١
سعرت البصل
لكن الي عنده اي مشروع يفيدنا عندي دينا براده

شد الهمه ياغالي واكتب كل مايمر عليك وان شاء الله اعقب على كلامك بعد ما افضى

مين يطلع معي عالساعه 2 او 3 ياشباب الي فاضي ويبي يتعلم من سوق الخضار فرصه