السلام عليكم وعليكم الله وبركاته اخواني الكرام ابيكم تشورون عليه لاهنتو

انا وعوذ بالله من كلمة انا عسكري رتبتي عريف لي بالخدمه العسكريه 17سنه موهلي رابع إبتدائي بتقولون ليش ماكملت دراستك ظروف عائليه واولها كنت مرافق مع والدي رحمة الله
ثانيا انا افكر بالتقاعد المبكر لاني والله الذي لا اله الاهو تعبت نفسيتي من العسكريه حقك مهظوم والسبب كبار الضباط ولا اعمم على الجميع الا من رحم ريي لاني مستحق ترقيه ومطوف سنوات الموهل ورفع ترقيه بموجب امر سامي من وزير الدفاع بدون شروط لترقيه والضباط هداهم الله يتحججون ولا يمشون بموجب الامر السامي وكل مارفعت تكميل حتى اوصل لوزير الدفاع يمشي معي التكميل لين اوصل بعض القاده ثم يرفضون تكميلي والسبب مجهول لكن حسابهم عند ربي يوم لاينفع مال ولا بنون الا من اتى الله بقلب سليم
زبدة الموضوع اني افكر اتقاعد مبكر وادور بعد التقاعد وظيفه ثانيه ارتاح فيها نفسيها وانا متزوج وعندي الوالده واخواني الصغار ومستاجر ابيكم تنصحوني اخواني وماخاب من استشار

هلا بك اخوي اذا ما تبي عسكريه وكملت فوق 15 سنه تقدر تقدم تقاعد استثنائي من الوزير قبل فتره صدر قرار لواحد اعرفه قرار تقاعد خدمه حول 17 سنه واعفاه الوزير من الباقي وصدر قراره بالتقاعد
ارفع قرار تقاعد عن طريق مقر عملك وهي بترتفع لقياده المنطقه وخلال كم شهر راح يجيك الرد

والله يوفقك ويسهل لك امرك

جزاك الله خير وجعل من جابك للجنه

طيب اخوي صاحبك ماعنده صوره من الخطاب حق الاستثناء لتقاعد

انا كملت 17سنه خدمه

والله ما قال لي بس هو رفع بشكل رسمي انه عنده ظروف والقائد حقه بالعمل رفع له اوراقه لقياده المنطقه وجاء له اعفاء من الوزير

انت قدم اللي تقدر عليه مثلا تقارير طبيه لا سمح الله او اشياء تكون مقنعه للتقاعد وارفعها ايش خسران خلال 3 شهور بالكثير يجيك الرد

كلم قائد السريه او قايد الكتيبه اذا وافق يقدر يرفعها لقياده المنطقه نصيحه جرب حظك

لاهنت وبيض الله وجهك