آآه يا بنت اللذينا ... وقتها تتفرعني
وقتها تطفين لمبة خاطري وابقى بعماي




لا قويت احيا الحياة الحالمه في موطني
وان قويت تعايريني وان مابه في ذكاي




بس انا ماني مغفل ... لا يغرك معدني
والحقيقه لزوم مره أصطنع لحظة غباي




وابدع بدور الممثل لين ما هو يملني
واكشفه مكنون قلبك وان به حد"ن" سواي




يا خفوق القلب هدي ليه بس وهقتني
وانت تدري مستواها مختلف عن مستواي




ماني براهي ولاني من جماعة دندني
همي الأول ضميري واشتري ساعة رضاي




لو ركبت الرنج عندي مثل ما اركب صني
كلبوهم شي عادي يعني شربة كوب ماي




هو صحيح الرنج غالي وكلفته تبغي "مني"
والصبايا عيني عينك آآه يؤبرني و"هاي"




والصني والله لو هو عاكس وشكلك غني
عيب ياخي وش بلاك من الصبح تلحق وراي!!




لكن اللي ما عطاني المال وحده زادني
بالشموخ اللي يجنن عقل من رايح وجاي




تسمعين ببرج بيزا وليه شكله يسرني
هذا بس من طيف ظلي مال حتى قال آي




والبشر من يوم مال وكلهم قالوا "فني"
ناس داخوا وناس ماتوا وناس قالوا واو ياي




حلمي السامي ألاقي بنت حلوه تضمني
نورها يضوي الليالي السود في حضرة شقاي




لا هي ضعيفه حضنها عظم كيف يلمني
ولا هي متينه غداها كيلو من لحم ودياي




لا طويله ولا قصيره وموت موت تحبني
وان حكت يشفي حكيها كل مابي من عناي




ساعه الشده تجيني غيم حب تظلني
وساعة الونه أجيها وارتجي وصفة دواي




لكن انتي هو غرور النفس ياللي حدني
اعلن التوبه واعدل راسي بفنجان شاي




تحسبين اني بوطي هامتي لك وانحني
واطلبك تروين غربة خاطري ولهفة ظماي




أووه صح مسكينه كنتي تخدعيني علني
اذرف الدمعه واسامر نجمتي والعن خطاي




لا يا شيخه عادي عادي والله ما هو يهمني
مثل ما اول قلت هلا بك بقول اليوم "باي"