اقتباس:
المشاركة الأصلية كتبت بواسطة السفيرة
صراحة الحكومه على طول
راحة بال واجازه زي العالم مو الخاص للي يرفع الضغط
بعدين على المدى البعيد افضل في التقاعد
صحيح مناحية الفلوس البنك افضل بس والله للي يجي من حرام مافية بركة ومايجي اخر الشهر ألا هو طاير
والله يوفقك يارب
|
السلام عليكم انا موظف حكومي وراتبي 6512 ولي اربع سنوات ماخذت اجازه ومليت صراحه من خرابيطهم الزايده انا ابي اجازه اتزوج قالو لي عندك الخميس والجمعه تكفيك
وحجتهم بان عندنا قرف اسمه التدريب الفني والسالفه يبيلها ساعتين اشرحها عشان توصل لكم والصراحه انا طفشت من دوام الحكومه
واللي مو مصدقني يسئل خريجي معهد الدراسات الفنيه للقوات الجويه
وراح يسمع بشي يعور القلب
قال ايش قال فني صيانه طائرات اللي يسمع كلامي منكم بيقول احمد ربك هذا راتبك وزعلان ولا بيقول يحظه فني طائرات
طيب بالله قولو لي قد شفتو واحد يدرس عشان يتوظف؟
طبعا كلكم قلتو ايه لازم الواحد يدرس وياخذ شهاده عشان يتوظف
طيب الحين السوال الصعب دققوا في السوال
قد شفتو واحد يتوظف عشان يدرس؟
ترى ملينا من الدراسه انا لوا ابي ادرس رحت اكمل جامعه بس انا ابي اتوظف عشان اكون نفسي عشان اتزوج ياخي مليت وانا صابر على حياة العزوبيه والطفش
طيب اللي يبي منكم عشر الاف ريال سعودي هديه وليس رشوه يدبرلي وظيفه في بنك البلاد او اي بنك اسلامي ويبشر بالدراهم وعشان يضمن حقه مستعد اروح انا واياه للمحامي اللي هو يختاره
وارجو انكم تفهموني ولا حد يقولي تدرب وادرس لان الدراسه مستمره معك الا التقاعد وانا ماني فاضي لبوهم اقعد ادرس لين اتقاعد لا ولا اقدر اخذ اجازه الا لين انجح في اللغه والتخصص والسمع 
