السلام عليكم ورحمة الله وبركاته
الاخت اللي قالت لازم دورات الظاهر انها ماقرت توقيعي انا تخصصي Management information systems & computer sciences ويعتبر تخصص جديد للبنات والمفروض مطلوب ومع دورات صيانه وبرمجه وشبكات اظن مابقى شي خاصه ان دراستي تركز بشكل كبير على الDB و الoracel
مااعتقد فيه منشأه بهالزمن ماتحتاج موظفين بهالتخصص لكن سبحان الله احس شهادتي كنها متوسط ليلي مالها اي قيمه نهائيا حتى قربت انسى اللي تعلمته ولا اقدر اخذ دورات اكثر لا ماديا ولا نفسيا عقب هالاحباط
احس بهالبلد العمر يضيع ماله اي قيمة ولا اعتبار والله الايام تمشي فينا واحلى سنين عمرنا تضيع واحنا نتحسر حسبي الله ونعم الوكيل على كل متسبب بهالظلم
بدون واسطه ماا في وظيفه صديقتي عقب الثانويه توظفت بالبريطاني براتب 6000 والحين ماادري كم صار راتبها وهي بالثانويه ومعدلها نازل
ومديرة بنك شهادتها متوسط و و و
وانا وانت وغيرنا من الجامعيين برا
اخر نكته صارت لي
دقيت على شركة قالتلي وحده انهم محتاجين موظفات مسؤول التوظيف باكستاني او هندي قلتله عن مؤهلي عطاني فاكس وطلب مني ارسله السي في وارسلته
عقب شهر حبيت اراجع على الطلب كلمته كان مشغول وطلب مني اكلم تحويله ثانيه كلمت الاوبريتر وطلبت تحويلة الاتش ار قالي بخصوص ايش قلتله توظيف قال لا اختي الغرفه التجاريه مانعه التوظيف الا من طريقها هي اللي توظف قدمي لهم وهم يحولونك عالشركات قلتله انا من شهر مكلمه المسؤول وعطاني الفاكس قالي لا قرار جديد هذا
حسيته يصرفني دقيت على الغرفه التجاريه وسالت المسؤوله عصبت وانكرت وقالت مافي قرار كذا واحنا متعاونين مو اكثر لكن مالنا حق نمنع التوظيف احنا نبي البنات يتوظفون شلون نقيدهم
دقيت على الاوبريتر مره ثانيه وطلبت المدير حولني عالنائب تخيلوا وانا اشكي له سؤ التعامل من الموظف يقولي بسرعه اشعندك اي اي وقبل لا اقول شي قالي اسمعي احنا عندنا تسويق بس تبين قدمي باي
^^
ترى سعودي هذا
اترك لكم التعليق وسوري عالاطاله بس مقهوره