انا اشوف البازرات كثرت مره هالايام يعني تقريبا الشهرهذا بس يمكن عشر بازارات
واحد بالخبر مووول وواحد بفواد سنتر وواحد بمجمع الظهران هالثلاثه كانو بنفس الفتره كلهم وكان قبلهم بفندق القصيبي وواحد بقاعه الاندلس وواحد بقاعه السيف
وهالايام اسمع بمارينا موول وبالهوليدي ان يعني كثرت البازارات بشكل موطبيعي انا واحده من كثر البازارات صرت ماروح ولاوحده والاسعار حدث ولاحرج كانك داخله بفندق درجه اولى
المشكله فينا ان احنا من نشوف شي نجح ركضه كلنا نقلد ونسوي زيه والناس الحين ماعندها فلوس تتسوق يعني لوبروح الهالعشره بازارات كلهم بنفس الشهر مالحق اولا الفلوس تخلص وثانيا ماتعرفين ايش تشترين والمشكله كلها متكرره مافي شي غريب ونفس البضاعه الي في السوق وغاليه لانهم يبون يطلعون قيمه الايجارعلى الزبون

اختي ترى تنظيم البازار صعب ويبي له شركات اعلان ضخمه على شان ينجح يعني يبي لك اول مره ماتربحين فيه نهائيا حتى ينجح لانه اذاماسويتي اعلانات ضخمه وهذي يبي له صرف عليها ماراح تجيك الناس انا اعرف وحده سوت ثلاث بازارات ورى بعض وبدون ماتسوي اعلان بس تاخذ فلوس الناس وتوهقهم اخرشي الي هو اخر بازار الي بمجمع الظهران الناس اشتكت عليها واخذوا فلوسهم والغي البازار لانها مش مسويه اعلانات مع انها بمجمع الظهران الناس 24ساعه مليان ولومسويه اعلان بسيط مجرد بروشرات موزعتها بالمجمع كان نجح بس هي ماكلفت نفسه باي شي همها تاخذ فلوس الطاولات وتوهق الناس
اخرشي صارت معروفه من تنظم بازار الكل يرفض يدخل معاها
اما بعكسها العنود الرماح تسوي دعايه بمحطات التلفزيون وبالوسيله والمبوبه وبكل مكان الاعلان وتسوي مره واحده بالسنه وشوفي اشلون الناس تتكالب عليها الكل يبي يحجز عندها وبعضهم مايلقون

فاذا تبين اختي تنظمين بازار اولا لازم يكون عندك شركه اعلان قويه وتسوين اعلان بالوسيله وبالمبوبه وبمحطات التلفزيون وتحطين عند المكان ليزر يعرف الناس بمكان البازار
ثانيا يكون اسعار الطاولات رخيصه يعني بحد ود ال300او400 حتى الكل يقدر يشارك
ولازم يكون المكان كويس ومناسب وعليه اقبال من الناس
وثالثا لازم تجيبين حارسات امن لكشف الجوالات
وتكون الاضاءه قويه ولوتروحين المنتديات النسائيه يمكن يفيدونك اكثر

واسفه اختي على الاطاله