يا اخوي كان الله في عونك
والله اني مصدقك ماني مكذب .... تدري ليه :
فاتوره لتلفون ثابت لي وباسمي كانت 150 ريال وفصلته وهو على كذا ..
ووقتها والله ما املك الريال لأجل اسددها وتركتها عامين كاملين ورجعت لشركة الهاتف الموقره ابسددهم مسوي نفسي (( حرام وحق لازم ادفعه )) .
تدري ويش قالي الموظف : قال لي : المبلغ اللي عليك ماهوب 150 ريال ..؟
قلتله كم : قال لي : 998 ريال ..؟ قلتله : وش لون صارت 998 ريال ..؟
قال لي : استحقاقات شهريه لأجل انك ما سددت .
قلتله وليه ما صارت 1000 ريال وش السبب ..؟
قال لي : ما ادري ...! انته تبغى تسدد ولا ما انت مسدد ...
كشرت عن انيابي وقلتله : تبغى 150 ريال اللي كانت علي وتعطيني مخالصه ياهلا ويا مرحبا ، ما تبغاها الله لا يجعلك تاخذها ..
ورجعت لبيتنا والسلام ..
ايش السر من 150 ريال الى 998 ريال ماني عارف وليه ما قالوا 1050 ريال 1100 ريال .
وهذي قصه واقعيه .