اخي العزيز
اولا اذا تحب تطور بمغسلتك وتكسب عملاء
اوضع لوحه من قماش واكتب عليها ( العادي والمستعجل نفس القيمه )
وخل العمال يرتبون شغلهم صح ويغسلون ملابس العميل خلال ساعه
ثانيا - فكرة التوصيل اذا تحب تجربها محتاجه تلفون وسياره وستكر يلصق على ابواب العميل وخارطه للحي بسيطه بها ارقام منازلهم
وزع بروشور على المنازل المجاوره واذكر فيها (سائق بسياره لخدمتكم) لتامين الطلبات المنزليه
ماتحتجون من البقالات - ملابس للمغسله -- تعبئة اسطوانات الغاز --المطاعم والبوفيهات
وبعد كذا اعط كل عميل رقم اشتراك واحفظه عندك
طبعا وضح للعميل ان رسوم الخدمه ثلاث ريالات فقط عن كل طلبيه
واصلا مع الوقت رايح تاخذ من المطعم عموله ومن البقاله عموله لكن رب وجمع عملاء يصير موقفك قوي
وبعد فتره من الزمان سيتعودون على خدمتك ومصداقيتك عندها اطلب اشتراك شهري 100 ريال او لمدة ثلاث شهور 200 ريال او ستة شهور 400ريال
وكل ماتحتاجه هو ونيت داتسون قديم واعمل عليه صندوق مغلق ومااوصيك بالصندوق رح للخطاط واكتب عليه دعايتك ورزه قدام المحل بشكل واضح وعليه رقمك و
وتوكل على الله والله معك