اقتباس:
المشاركة الأصلية كتبت بواسطة مدرس عربي متعاقد
هـلا بأخوي أشكرك على إتاحة الفرصة لي ولغيري لبث شكواه لك:
أنا في الحقيقة تخرجت من الجامعة من كم سنة : وما لقيت وظيفة طبعا مثلي مثل غيري..
مهب هنا المشكلة المشكلة : أنا قدراتي ما تسمح لي أشتغل بأي شغل أو أرضى بأي راتب: أني كنت ( كنت ) على أبواب زواج..
المهم حصلت وظيفة في مؤسسة أهلية : وقال الراتب (4000) ريال ... والدوام مكتبي طبعا ..
وافقت طبعا لانه قريب من بيت اهلي وما راح اصرف أي شيء ...لكن قال لي أنا بعطيك 2000 ريال والموارد البشرية راح يعطونك 2000 إذا موافق على شرطي اوك نسجل العقد أو إذا تبي النظام النظام يقول انا ادفع لك 4000 وأخذها من الموارد البشرية قلت لا خلاص ما نختلف..
المهم : اشتغلت سنة ونصف كاملة استلم راتبي الفين بعد ما ينشف ريقي وفي هذه الفترة كل المدراس الأهلية في الرياض والعالمية يدقون علي حسب خبراتي لكن قلت دام راتبي عندي اهلي اربعة افضل لي من الرياض بخمسة .... لكن للآسف صرت اشحذ الموارد البشرية لمدة سنة ونصف : اجيب الاوراق لموظفي الصندوق في القصيم ...وياخذونها بطرف خشم وتجلس عندهم شهر .... وتروح تمشي بالطريق للرياض شهر ..وتجلس بالرياض شهر ..ويفتحونها خلال شهر ... وترجع تمشي بالطريق للقصيم شهر ...وتجلس في القصيم شهر بعدين يدقون علي وعلى هالطريقة اكثر من اربع مرات ..وأخرتها للآسف أقول للآسف ما جاني شيء كل مرة يطلعون خطأ بسيط ويقلون عدله ... بعدين ارسلها ... وجلست اعدل حتى اخر مرة طلعوا لي قالوا : التأمين عليك 1500 ريال لازم تأمن : 4000 زي راتبك بالعقد... رحت لصاحب العمل .. قال ما اقدر أمن عليك أمن على نفسك ... والصدق ضاااقت نفسي وكرهت الشغل بس ما زلت ابي حقي ....
حتى الزواج من الملل كنسلته وشقتي الحين خاوية على عروشها أصبحت أعشاش للحمام والعصافير ...
أخوك . |
'طيب ماهي المشكله لم تكمل هل يوجد حلقه ثانيه ام ماذا؟؟؟؟؟
اخي مشكله الصندوق مشكله انا اعتقد انهم قاموا بعمل هذا الصندوق من اجل تعقيد الحياة اكثر واكثر وليس للراحه فالكل اصبح يشتكي من الصندوق ومشاكله مثل التوقيع والاعتماد والتامين ويجب ان تتطابق الوظيفه الراتب والمؤهل وغيرها