صح لساانك اخوي عديم اليأس
وبارك الله فيك على تسطير احرفك الذهبيه التي تحمل معاناة العاطلين والعاطلات . .من البطالة القاتلة والتي قد اكون احد نماذجها وضحاياها فقد ذقت من مرارها ومن مرار وزارة الخدمة المدنية ووزارة التربية والتعليم مالله به عليم . .
يامعدمن يأسك لامست جرحين
جرح البطالة وجرح خافي ونخفيه
انا اعاني من البطالة لي سنين
عام ن بعد عام توظيف مافيه
تمت ثمان فوقها اليوم شهرين
وانا اتحرى اسمي اشوفه ولاقيه
ياما شريت من الجرايد بنوعين
اتابع الترشيح واسمع طواريه
والله ماشفته من العام للحين
ولاادري وش العله حتى نداويه
قلنا المؤهل تربوي يامربين
قالو قسم معدوم ماعاد نبغيه
جبنا معه دورات بالكاش والدين
نضيف معه من المواهب ونوفيه
قالو ترى الدورات فايت لها سنين
تسجيلها ملغي شوفي وعيديه
حلمن تحطم مابه اليوم تعيين
مير الامل بالله ندعي ونرجيه
_