مرثية الراحلة عابرة سبيل ( رحمها الله)
ترى الذبايـح وأهلهـا ماتسلينـي
أنا ادري إن المرض لايمكن علاجه
أدري تبـي راحتـي لا يابعـد عينـي
حرام ماقصرت ايديك فـي حاجـه
خذها وصايا وأمانـه لاتبكينـي
لوكان لك خاطرٍ ماودي ازعاجـه
أبيك في ايدينك تشهّدني وتسقينـي
أمانتك لايجـي جسمـي بثلاجـه
لف الكفن في ايديك وخل رجلينـي
ماغيرك أحدٍ كشف حسنه واحراجه
أبيـك بالخيـر تذكرنـي وتطرينـي
يجيرني خالقك مـن نـار وهّاجـه
سامح على ماجرى مابينك وبيني
أيام نمشي عـدل وأيـام منعاجـه
عيالي همي وأنا اللي فيّ يكفينـي
علمّهم الديـن تفسيـره ومنهاجـه..