أولاً مبروك القبول المبدئي، وعقبال القبول النهائي بعد تجاوز المقابلة بسلام،،
بخصوص المقابلة،، كل البنوك مقابلتهم نفس الاسئله انا سويت مقابلات مع معظم البنوك وكلهم اسئلتهم وحده مافيه اي فرق،،
بخصوص مقابلتي بالبنك الاهلي التجاري،،
يخليك تتكلم عن نفسك،، بعدها يبدأ يسألك عن دراستك،، وين تعلمت اللغة الانجليزية،، وين تشوف نفسك بالبنك في الواجهة ولا في الوظائف الداخلية (الادارية)،، كم عدد افراد الاسرة،، كم رقمك من بينهم،،
وبعدها يبدأ يسألك عن خبراتك،، ويدقق باسئلة الخبرات ترى،، حاول تبين لهم انك مجتهد،،
يقول خلال الفترة اللي كنت فيها عاطل وش كنت تعمل،، تجاوبهم تقول ابحث عن عمل،، بيقولك زين ما فكرت تدخل دورات مافكرت تطوع في عمل على الاقل تكسب خبرة.. الخ
عموماً اسئلة عادية جداً ولكن المقابلة هم بيقيسون مدرى ارتباكك وكيفية التخاطب لا اكثر وبعضهم يبون يعرفون اكثر عن خبراتك ومؤهلاتك،،
احتمال كبير يسالك سؤال ويسكب يخليك انت تتكلم،،
انت وش تقدر تعطي البنك،،؟؟
عموماً هذي الاسئلة اللي دايم يسالونها،، ويمكن سؤالين وبس خاصة اذا فيه اكثر من شخص يعمل مقابلة عندهم،،
وبالتوفيق لك،، وطمنا باللي يحصل معاك،،