كنت لك مثل المواني ~ أنطرك
لين طاحت من عيوني الباخره
لا تظن أبكي عليك وأخسرك
إللي مثلك ( لازم ) إني أخسره
يا القليل الباقي طاحوا أكثرك !
في بحر - دمع العيون - الطاهره
أبقى أكبر شخص مر بـ ناظرك
وتبقى أصغر ،، ~ من نويت أكبّره
في فراقك ماحزنت آآبشرك :
وكانت الفرحه معاك مسافره !
كيف ألوّح لك وأجبُر خاطرك
وإنت إحساسي مكسّر خاطره
أشكر أعدائي كثير ~ / و أشكرك
_من سبايبكم .. فقدت الذاكره
صح لسانك حنين وصح لسان شاعرها
قصيده في قمة الروعه سلمتي على هذا الطرح الرائع
ولا تحرمينا من جمال نقلك ودمتي بصحه وعافيه