السلام عليكم ورحمة الله وبركاته
اسعد الله صباحكم // مسائكم بكل خير ..
قصيدةجزلة اعجبتني بروعة ابياتها ... ارجو لكم الاستمتاع بما نقلته والابحار في قوافيها الراائعة ,,,
الوقت يمضي مركبه عكس الاحلام
.والعمر من طـرده للاحـلام ملـي
كم راح عام. وكم بقى للعمر عـام
.يارغبتي عن باقـي العمـر حلـي
سلمت واستسلمت له راس واقدام
كلي رضخت لواقع الوقـت كلـي
مير اسمعيني ومسحي دمع الايتام
.ماعاد يكسر خاطري غيـر ضلـي
يارغبتي دامك على دين الاسـلام
.استغفـري لله صومـي وصـلـي
توبي تراني تبت عن حلم الايـام
..مدام حظي بالشقى واقف(ن) لـي
وحتى الخيال اللي جمعنا من اعوام
..لاّمر فكـري قلـت خلـه يولـي
صبح الرجا يتبع هوى ليل الاوهام
.ماغار من شمس الغـلا والتغلـي
تاهت به القدره ورى جمع الارقام
.ومن تاه فيه الراي مـا يستدلـي
يارغبتي ياغايتي خاطـري شـام
.عن حاضر(ن) فيه الرجا مستذلـي
الشاعر المميز :خلف الأسيد الشراري,,
دمتم بسعاادة,,