المشاركة الأصلية كتبت بواسطة يحيى صالح

اختي امراه تحيه طيبه وبعد

في البدايه لازم تشوفين الاسباب اللي خلت المشروع ما ينجح

اولا :
انتي اشتريتي العطور بال 500 كلها ؟ اذا كانت الاجابه ب نعم فانتي غلطانه المفروض تجسي النبض اول وتاخذين كميه اقل

للأسف التاجره اللي تعاملت معها ماتبيع الجمله الا بـ500 ريال وهي بصراحه ماقصرت يعني عطتني أكثر من 30 عطر 50 مل

ثانيا :
كان المفروض انك تعلنين عن البضاعه وتكلمين هالكوفيرات قبل ما تشترين شي


أنا كلمتهم ولما شفت هالكوفيرا وافقت تبيع لي اشتريت البضاعه

ثالثا :
ليش الاكوفيرات رفضو ؟ اكيد كان هناك شي خلاهم يرفظو مثلا هل اتفقتي معهم على عموله وكانت قليله او اش السبب


مااعتقد ان العموله كانت قليله لاني طلبت في العطر الواحد مبلغ معقول 30 ريال تقريبا وهي تبيعه بزياده معقوله 35 - 40 والزياده تكون لها وهي وافقت وقررت انا وياها ننزل من السعر شوي ونبيع بـ 20 -25
ونجيب بضاعه اخرى مكياج وملابس

بالنسبه للسبب هي تقول ان اطفالها عذبوها وكسروا عطر وان زوجها قال لها ترجعهم


رابعا :
كم الكميات اللي باقيه عندك وهل انتي حاطه مكسب كثير وعشان كذا صارت في السوق ارخص


باقي عندي قرابةالـ 20 عطر
مااعتقد انها بالسوق ارخص بالسوق أقل عطر بـ 45 بس يمكن عشانها تعبئه يبونها ارخص والا هي عطور معروفه وريحتها حلوه

خامسا :
احمدي ربك انك ما اشتريتي ادوات التجميل وقعدت في حلقك

ياربي لك الحمد
تابع الموضوع وشوف وش استجد

سادسا :
ما تلاحضين انك مشكلتك كلها هي عدم الاستشاره والتسرع

ماأدري بس انا استشرت واعتقد انه يكفيني شرف المحاوله بالنسبه للتسرع يمكن هالخصله فيني بس موكثير لاني اتفقت معاها قبل لا اجيب العطور



اخت امراه زعلتيني يوم تقولين متحطمه وانك تبحثين عن الخيره ولم تجدي الا باب قد صفع على وجهك
طيب ما تكفيك الخبره اللي اكتسبتيها وما تعلمتي من اخطائك هذي هو المكسب الحقيقي
وترين كل شي يتصلح بابسط الطرق
بما انه عندك انترنت خلاص كل شي انحل
جيبي كاميرا او جوال كاميرا وصوري العطور بشكل حلو وجذاب
واعرضيها في المنتديات وابدي من هالمنتدى واهم شي انك ترضين بالمكسب القليل
وابعدي عن المكاسب الزائده
وحطي عروض مثلا اشتري اثنين وخذ الثالث
وبما انك تعرفين بائعه جمله تمام هذي فكره اضافيه ودخل اضافي بدون ماتخسري راس المال
مع عرضك للعطور اعرضي جمله ومفرق
واعرضي انك تقدرين تجيبين ادوات تجميل وعطورات بالجمله
وبكذا انتي ضربتي عصفورين بحجر

ولا تياسي من رحمة الله وخلي ايمانك بالله قوي
انتي بس لو تعلنين في المنتديات النسائيه كان ياسلام والعم قوقل ما خلا شي

انا يمكن كلامي جارح او غير منمق لاني اسرد سرد وابعد عن التجميل والتنسيق
لكن عموما هذا رايي والله يوفقك
انتظر ردك بفارغ الصبر


تحياتي