المشاركة الأصلية كتبت بواسطة رزة

كل شي في بدايته يحتاج صبر لين تعرف كل صغيرة و كبيرة في السوق
و بعدين لا تنظر للجنسيات الثانية او المنافسين نظرة عدائية بالعكس اكسبهم يعني يدخل زبون يسأل عن شي مو عندك و انت داري انه بيدور عندهم قوله شف عند الشباب او شف عند فلان
و ايضًا اذا دخل زبون اسألك عن شي مو عندك لا تقوله بدون نفس لا .. قله لحظة اشوف و خله بهالحظة يتفرج على الاشياء الثانية .. ثم ارجع بابسامة قله عندي كذا و شف منه اذا واحد مستعجل تعذر منه و خله يمشي و اذا جلس يتفرج شف عينه على شنو و اعرضه عليه و اشرح له .. المهم خل الزباين يوقفون عندك ترا الناس لما تشوف الزحمة تقول اكيد عنده شي مميز
و مثل ما قال لك واحد من الاخوان لا تلبس شماغ .

الجوائز : حسب استعدادك اذا تبي جوائز قيمة .. مثل جوالين و اي احد يشتري شي يدخل سحب عليها آخر الاسبوع

او من يشتري بمبلغ كذا له هدية تعبئة بعشرة ريال او مومري او شاحن

او جوائز خفيفة .. مثل ميداليا جوال ام ريالين او معطر سيارة بخمسة ريال الخ كل من يشتري من عندك تعطيه هدية .

الافكار كثيرة لكن حسب استعدادك و موقع الكشك .

و حاول تجيب شي مو عند الباقي مثل شغلة يحبونها البنات او الشباب الصغار
خل زباينك هم اللي يسوون لك الدعاية .

الله يوفقك .