السلااااااااااام عليكم ورحمة الله وبركاته
صباح/مساء الخير للشعب البطالي نفر نفر 
يازايره بعد مـل الشـوق والإنتظـار
وشلون جيتي بعد طول الجفـا زايـره
ياما خذتنـي مواعيـدك لكـل الديـار
لفيت الأقطار خلـف وعـودك البايـره
وياما حزمت الحقايب من مطار لمطار
وياليت في الكون شي اسرع من الطايره
تقبل وعودك وتشعل داخل القلـب نـار
وتقفي وتتـرك بعينـي دمعـةٍ حايـره
في كل مره تعذبنـي ظنونـي واغـار
واعصى ظنوني واطيع الشوق واسايره
لين إقتنعت إن نجمك في فلك وإستـدار
يدور حولي وانا فـي مركـز الدايـره
أطلب قـرارك بدنيـا ماعليهـا قـرار
تدور الأفلاك ونجـوم السمـا سايـره
ورجعت للخيره اللي ماعليهـا إختيـار
تبري الجروح الصغار وتردم الغايـره
ونسيت مدري تناسيت الجروح الكبـار
اللـي تخلـي براكيـن الحشـا ثايـره
واليوم جيتي بوجهٍ مثل شمـس النهـار
في بالـك تجيـن ودلال الغـلا فايـره
صبيت عقبك دلالي فوق جمر الوجـار
لاتسألي عن حياتي كيف هي صايـره
ماكـل جـرحٍ يكفـر ذنبـه الإعتـذار
بعض المعاذير مثل احكامـك الجايـره
ماودي اشوف فيـك الـذل والإنكسـار
وإلا تشوفيـن فينـي صـوره مغايـره
إبقي معي يابعـد منهـو تفضـل وزار
وإلا إرحلي في وسيع العـذر يازايـره
لـ الشاعر عبدالله الطلحي ،