اقتباس:
المشاركة الأصلية كتبت بواسطة المطنوخه
بدايتا اشكرك على الموضوع المهم انا ماني معك بموضوعك او الفلفسه على قولتك<<< دورات تنمية الذات او اللي اسمها ال<< ان ال بي>> مفيده لابعد حد ممكن تتخيله وهذا الشي يرجع للمتلقي اذا بياخذ الموضوع ضحك واستخفاف بالدوره او اللي بياخذا بجد شوي وتركيز لان اغلب الكلام اللي نسمعه بمثل هذي الدورات يمكن يكون كلام مر علينا في يوم ما ونعرفه بس الفرق هنا انك ترتب افكارك شوي وايش هو اللي تركز عليه بحياتك لانه ماتركز عليه بحياتك راح تحصل عليه بكل تاكيد انا حضرت كم دوره من هذي الدورات واستفدت منها وللحين عندي المسودات والاشرطه حقتها وكل مالقيت نفسي فاضيه ارجع اسمعها فعلا الموضوع ممتع والتمارين اللي تسويها اثنا الدوره والقصص اللي فيها تخلي الواحد يتحمس لمستقبله اكثر من قبل وتزرع فينا الامل الا ماتجي يوم وتتحقق امالنا اني كل يوم اقوم فيه الصباح اتعاهد فيه مع نفسي ان اليوم هو اجمل يوم بحياتي تعلمت من هذي الدورات ان بكره احلى من امس تعلمت من هذي الدورات اني اطلق العملاق اللي بداخلي صحيح تنصدم بالواقع شوي بس نتعلم انا نصبر ونتحمل ونصر على اللي نبغاه ونحققه اشكرك من اعماقي على مواضيعك المميزه
وان كانت
هذي المره الاولى اللي اخالفك الراي فيها
بس هذا رايي
من تجربتي
دمت بحفظ الله اخوي واستاذي مهايط
|
صبحك الله بالنور والسرور.
لا انكر فائدتها الفكرية بعد هذا التعقيب ولكن المسألة تجارب,.
رأيي لم اصرح به الا بسبب الانشار الهائل لمثل هذه الدورات,
مثل ما يقول اللي يقول (الشئ اذا زاد عن حده انقلب لضده),
وانا اشوف انها زايده بشكل تشوفه من مسيرة 100 عام ,
فائدتها الفكرية مرتبطة بايصال الفكرة بشكل مناسب لمن هم امامك.
وهذا ما اعنيه بالفائدة, فائدة هذه الدورات تعتمد علي براعة المحاضر وجدية المتلقي, ولكن...
اغلب المحاضرين يكاد ينفجر من الغرور الفكري لاقتناعه التام ان الحضور ادني منه فكريا.
فيه واحد في التلفزيون السعدوي (اكيد تعرفونه)
دائما ما يبدأ جملته بـ (أنا لما افكر, أنا لم احلل, أنا لما اغضب) كلها أنا,
يبي ينسخ فكره علي فكرك, وهذا اغلب ما يقوم به المحاضرين للاسف.
لا يهتم بالاسلوب بقدر اهتمامه بما يفكر هو به, او بمعني آخر,
لا يريد ايصال المعلومة بقدر رغبته بالاستعراض انه يعرف تلك المعلومة.
اكثرهم تجده يحاضر في اكثر من فرع (النفسي, الثقافي, العلمي, العملي),
ومعلوم ان صاحب البالين كذاب, ما بالك باربعة (وربما اكثر).
على الهامش:
الفلاسفة تجد فيهم نوع من الجنون النفسي احيانا وربما غالبا,
وباب النجار دايم مخلوع .
كل الشكر علي التعقيب المميز ووفقك الله لما يحبه ويرضاه.