المسابقات الوظيفية في الجامعات بعد خبره طويله معها
الجامعات يا شباب معروفه بكثرة مسابقاتها وذلك لإنها بحالة توسع وحالة التوسع هذي تفرض على الموظفين حالة ضغظ عمل غير طبيعي حتى بعض الوظائف في الجامعه أرهق من عمل الشركات وعلشان تحافظ الإدارات على موظفينها المتميزين من التسرب إلى إدارات أسهل عملا يطرحون وظائف تناسب تخصصهم وخبرتهم بالمسابقات علشان ترقيهم فيها وهذا ما يسمى (الترقية بالمسابقة) وهذا يحق للموظف بعد سنتين من الخدمه إنه يسابق لكن عادتا مايحرمونه رأساه من أمور أخرى مثل الدورات الإجازات الطويله (العمل ما يقدر يستغني عنه)

زبدة الموضوع :
إذا كنتم تبون تتوظفون في الجامعه وأنتم خريجين جدد لا تحاولون تقدمون على مراتب عاليا خذ سابق على مرتبه عادية أو أدنى من مستواك ولا تقربون الوظائف ذات الشروط الغريبة (دبلوم حاسب ثلاث سنوات خبره سهادة كذا وكذا ) لإنه عاده تكون مضبطه لواحد علشان يترقى عليها

أخيرا:
لا تيأسو أنا قدمت على وظيفه كان المتقدمين بالهبل والواسطات بالهبل وقامت هوشه على هالوظيفه فجا المدير إنتقاما من تنازعهم على الوضيفه وظفني لإنه ما يبي واحد من هالواسطات ووظف واحد مثلي على نفس الطريقة بعدين