يا حياتي علي وعليك وعلى كل اللي مثلنا تصدقين انا كنت في مدارس علوم الرياض ذا المعفنه واجيهم من أخر الدنيا طبعاً هي في حي الصحافة وطلعت الحمد الله من عندهم نهاية الترم الأول تخيلي الترم الأول فصلوا معلمات عيني عينك والترم الثاني نفس الشيئ لا والوقاحه اللي ما يتخيلها عقل فصلوا معلمتين من المدرسة لأن المساعده المصريه مدري الفلسطينيه ما تحبهم لا وبعض المدرسات عشان انهم رفضوا لها طلب وصارت بينهم هوشه تخيلي فصلتهم المديرة وزوجه صاحب المدارس ووقعهم على اخلاء طرف وعلى استقاله ويوم رفضوا قالوا لهم راتب هالشهر ما راح تاخذونه ولا اي مستحقات لكم حتى توقعون ع الإستقاله ويوم سالت وحده من المعلمات في وزارة العمل قالوا ان لهم ماحامين ومستشارين طبعاً للمدرسه المهم يا حياتي انا ما اعجبني الا المرااااقبه ياختي تهبل وعليها اسلووووووب خطير رفضت انها تقوم بشغل وحده من ذا المعفنات اللي جايبتهم المديرة من مدرستها الاولى وتهاوشت هي والمساعده قدام المعلمات طبعاً المعلمات كلهم بصف المراقبه المزيونه وفي النهايه قالت للمديرة هي والمرشده مانبي مدرستكم ذا المعفنه
يعني يا عمري باختصار اذا لم تكن ذئباً اكلتك الذئاب فانتِ كوني مثل ذا المزيونه وخذي حقك الطاق مطقوق