السلام عليكم ورحمة الله وبركاته صباحكم نواشف مع براد شاي بحليب لونا / مسائكم شاي اخضر انا بقدم لكم نصيحه لوجه الله ماشفته وذقته من احفادنا الاعزاء وحبايب قلبي وانا في طريق لبيتنا العامر وكنت مشوته وفجاءه اشوف في الطريق زحمه وناس واطفال وصياح وكل واحد مكشر ومبسوط فاشخ فامه نفق اربعين قلت اها وش عندهم مجتمعين وعلى ان كنت بعز تعبي ومرهقه بس مؤشر القافه عندي اخضر ويوطوط قلت وقفوا خلونا نشوف وش فيه ويوم اقتربت من المحل الضجيج لقيت هالناس والعالم مجتمعين عشان كتاكيت وارانب يوم شفت الناس يشترون قلت ليه مااشتري واسأل عن قيمة الكتكوت قال بعشره ريال هني عجبني السعر تعرفون اختكم في الله تموت على التخفيضات وتحب ابوعشرة قلت يالله ليه مااشتري لاحفادنا ادلعهم دايمن اضربهم خليني احسن صورتي عساهم ينفعون خالتهم ان كبرو وافتح المحفظة وادور وسط كروت والاوراق عشره لقيت عشره مطبوقه شكلها لها شهور وبالقوه ففكتها ومديتها وسلمتها واخذت كتكوتين ياربي يسعدهم يجنونون وقابلت وحده من المعارف وسلمت عليها واستغربت اني مشتريه كتاكيت عاد انا ماستنيتها تسألني ع طول مشتريتها لتوتي وتوابعه سكت وضحكت عاد خبركم الحريم يموتن بنقده ومدحت لي الارانب قلت بكم قيمتهم قالت بستين ريال قلت لا الارنب فيه ريحه مزعجه لا ارنب وضحكت وانا بكاشه عجبني شكل الارنب بس خفت اني اتفشل العشره بالقوه طلعت وقلت خلاص ع البيت وشوي واشوف الصراف واصيح وقفوا وقفت ودخلت البطاقه مقصرت تجملت وصرفت مية ريال ثم توجهت ورجعت واشتريت الارنب وبعد الحوسه والدوشه وصلت بيتنا وانا تعبانه ودخلت على أهلي بكتكوت وارنب اخويه يوم شاف الارنب قام يناقز فرحان عشقه الارانب خفت انه يأخذه ويوديه المزرعه قلت بعد عنه مولك لتوته زعل اخويه وخرج الشارع وماشفته آخراليل ورجع يتشمت اتصلت على اختي ام المجرمين وقلت تجين اليوم عندنا لاتقولين ابوتوته موعندي في مفأجاة قلبت رأسها مدري عاد دبرت سياره وجات هي والسفاحين عاد يوم شافوا الكتكوت ولدها واخته جالسين ينقزون ويسلمون على رأسي فرحانين ياخاله ينادوني اول مره اسمعهم يقولونها دايم انا وهم توم وجيري طراق وضرب عاد انا فرحانه ومبسوطه انهم يلعبون وراحوا نادوا اولاد الجيران خالتنا اشترت لنا عصافيروارنب واشتهرت ذاك اليوم واصبحت محبوبه عند الاطفال واسمي اصبح يصدح بكل الحي واصبح بيتنا حضانه بزران عاد هنا امي قومت الدنيا علي ومن حقها صراحه بيتنا اصبح زحمه وكثافه سكانيه عاليه وازعاج وصياح واخذت الكتاكيت وديتها غرفه وحشرت البزران بها الغرفه ورحت اكمل قهوتي وسوالفي مع اخواتي وشوي يخرج ولد اختي ويجي عندي بيده الكتكوت معطينه شور طبعاً فارق الحياه وبقي واحد رحت ابلحق عليه لقيته مربطين رجيلاته ويلعبون فيه اطفال الحجاره احنا يوم نطلع لعبة المقص ننزل ماندل الطريق عاد كيف بسفاحين مربطين رجله ويدورنه مافي وقت اضربهم ولا العاده اصقعهم واضربهم عند الخطأ الي سويته طردت اولاد الجيران وجلست مفجوعه وجات الشغاله لفتهم وحطتهم بوسط كرتون وعلى الشارع وعاد هوني اخواتي يلا تحملت ذنبهم واصبح الكل يلومني وبقي الارنب واسمعهم يتشاورون وينادون بعض عبي المسدس مويه ياجهاد انت ثبت الارنب وعماريصب المويه بعينه <<<<<<<<<<<اكثرمن هالاجرام والشقاوه ماشفت ياربي فين اخفيه عن السفاحين الحمد الله وصل ابوي للبيت وانقذني واخذ الارنب وارسله للأستراحه اخويه مربي ارانب ولكن يوم شافه اخويه الارنب واصل الاستراحه مره منع انه ينزل ويتربى مع ارانبه تذكر يوم كشمته وبعد واسطه تم السماح والعيش بوسط الاستراحه بين الارانب ماتت الكتاكيت ماكملت النص يوم وهذي قصتي ونصيحتي لاتشترون لأطفالكم واحفادكم وصغاركم الحيوانات الاليفه مدام حاملين الجنسيه السعودية فأعرفوا انهم بيتعذبون وتتحملون انتوا الذنب كلن يسرد معناته كي تواسوني