اقتباس:
|
أما بخصوص حارس أمن وحضرتك متخرج عام ((( 2007 ))) تخصص هندسة ميكانيكية (( واللغة الانجليزية دون المتوسط )) .
أحب أن أفيدك بأن الموافقين بإقتناع تـام على الوظيفة من درجة البكالريوس :
عددهم 4 وشهاداتهم :
1 ) بكالريوس هندسة كهربائية خريج عام ( 2002 م )
2 ) بكالريوس تخصص جيولوجيا بحرية خريج عام ( 2000 م )
3 ) بكالريوس علوم حاسبات خريج ( 2005 م )
4 ) بكالريوس تنظيم وتطوير إداري خريجة عام ( 2002 م )
واللغة الانجليزية ممتازة ..
بالاضافة إلى عدد 19 خريج شهادة جامعية متوسطة ( الكلية التقنية والاتصالات ) , و ( اللغة الانجليزية ممتازة ) .
بالاضافة إلى 90 شهادة ثانوي ومادون و ( اللغة الانجليزية ممتازة )
|
اخي لي تعليق واعذرني على التدخل في المسأله لكن اجد في نفسي حرج وضيق على نقطه معينه
انت لك كل الحق الدفاع عن صحاري والكل له وجهة نظر هو حر فيها
والحمدلله وظيفة حارس امن مافيها شيء لكن اذا الاسرة تربي وتحرق اعصابها والشاب والشابه يتعبون على شهاداتهم وتقوم الشركه بتوفير وظيفه حارس امن لهم؟
يخي والوظايف الزينه من ياخذها؟؟
انا انا بصراحه احتج على الconcept نفسه
يعني 90+19+4=113 حارس امن سعودي!!
ليه ياخي والظايف الزينه من ياخذها هنود؟ والا لبنانين؟
بس عطوهم راتب يعيشهم وفكونا منهم؟ موب حل لمشكله البطاله..وعمر هالحل ماساهم في بناء وطن ومجتمع ناجح
بدال ماتتوفر لهم وظايف تأهل لهم ان الواحد يطور من ذاته
يدفن في وظيفه راتبها زين عشان يغره الراتب..لكن المستوى الثقافي سلام الله عليه..
الشركه هدفها نبيل انا ما اشكك فيها لكن انا اقول انتبهوا من سياسة الفيله والحمير
واللي مايعرف القصه: كانوا عملاء الروس يقومون بتوظيف الامريكان ويرويحونهم على الاخر بالشغل يعني راتب اخر حلاوه ولاضغط شغل ولا وجع راس
الحاصل انه مافيه احد من هاللي توظفوا تعلم شيء والكل عارف وش كانت روسيا ووش وصلت في وقت من الاوقات
يعني ياخي لما انا يكون عندي ماجستير ادب انقليزي واروح اقدم على جامعات اهليه..وانواع التصريف واقول في خاطري (مثل ماتفضلت ونصحت) يابنت انت راعيه الحاجه خليك وراهم...واخرتها وش ينقال لي؟
"صحيح ان معك شهاده عاليه والاكسنت عندك كويس والتوفل عالي لكن والله حنا نبي natives يدرسون انقليزي..انت عارفه"
؟؟
وش عارفه؟؟ يعني لازم نجيب اجانب يوطون على وجيهنا بالجزمه عشان نصير واو يعني متطورين
لا والاحلى من هذا ان الاخت لبنانيه بس معها جواز امريكي..يعني وين native معه؟؟
طبعا البنوك اكون فيها اوفر كوليفايد..والحكومه يبيلها واسطه محترمه ولا دعوه عبد صالح...
المختصر اخي الكريم رايك كله على عيني وراسي لكن سالفه احمد ربك على وظيفه حارس امن ب 5000 ريال اسمح لي اقول مو مقبوله ابدا..
الحمدلله حنا حامدين وشاكرين..لكن لن نقبل للعملاء بسلب وطننا من بين ايدينا
والحمدلله انا اشوف ان فيه بادرة خير في موقف الشباب وان شعار الحمدلله والله لا يغير علينا بدأت تأخذ منحنى اخر
وان شاء الله ان الشركه تمشي في مسيرتها المميزه وان لا تكون استراتيجتها فقط توظيف اكبر عدد ممكن..
وعذرا على الاطاله والله يوفق الجميع
