أشكرك صاحب الموضوع على نقلك هذا،، والذي اراه من وجهة نظري انه افضل طريقة للحصول على وظيفه مناسبة للمؤهل،،
ولكن رد على بعض الاخوان،،
اقتباس:
المشاركة الأصلية كتبت بواسطة king_boy_
مشكور على الخبر
ماادري بس اعتقد في السعوديه كل مارتفع المؤهل قلت الفرص الوظيفيه
وحنا بكالوريوس ومافي وظايف
واعتقد انو الافضل الواحد يتوظف بعدين يكمل دراستو على الاقل لمى يرجع تكون الوظيفه موجوده ويترفع على وطيفه افضل
اما اكمل دراسه واتعب واخر شي اجي اجلس في البيت ادور وظيفه
عموماً هذي وجهة نظر وممكن اكون مخطيئ بها
الله يعطيك العافيه
|
اقتباس:
المشاركة الأصلية كتبت بواسطة با حث وظيفة
انت صادق ولا انت مخطئ هذي الحقيقة الي جبتها انت ،،،،،، مشكور
|
اخي العزيز،،
من تجربه شخصيه،، اي مواطن سعودي يدرس بالخارج ويجي بشهاده،، هل تعلم ان الدولة تتبناه وتلزم عليه يتوظف وظيفه حكومية من المرتبة 7 وفوق.؟
ولا بعد تلزم عليه ما يطلع من الوظيفه الحكوميه الا بعد خمسة سنوات اذا صاحب الوظيفه يبي يتركها،، وبنفس الوقت اثناء العمل تقدر تكمل ماجستير ولو كملت صفقوك ترقية.؟.؟.؟.؟
هل تعلم ان اي خريج من اي دولة اوربية يتوظف في ارامكو او سابك او قطاع البنوك بدون اي عوائق وبدليل ان هذي القطاعات مخصصة وظايف للخريجين القادمين من الخارج،،
واللي حاب يتاكد من كلامي يدخل منتدى المبتعثين او يسال اي طالب تخرج من برى،، ويروح بنفسه لوزارة الخدمة المدنية او وزارة التعليم العالي،، او يتصل على اي قطاع خاص سواء ارامكو او سابك او الاتصالات او قطاع البنوك،، ويسال ويشوف رد الموظف،،
معانا في الدورة بالبنك طلاب جابو شهادة انجليزي سنة وحده فقط برى السعودية وتوظفو بدون اي واسطه وشهاداتهم ((((((ثااااااااااااااانويه)))))
اخوي ما كمل سنتين بامريكا جا وقدم على شركة كيا ثاني يوم اتصلو عليه وحددو له وظيفته وهو معاه ثانوي.؟.؟.؟.؟.؟ ووظيفه ممتازه،،
عموما الشهاده الخارجيه خاصة اذا كانت من الجامعات المعترف بها،، وظايفها مضمونه،،
ولا تنسون ان الدولة في تطوير مستمر،، وشركات بالهبل راح تجي المملكه شركات عاااااالميه،،
هذا والله اعلم،،
اعتذر عن الاطاله،،
alenazi