في قصه حكاها لي واحد من الشباب

يقول طبيت انا واحد من اصحابي في موقع مرمي فيه ادوات وقطع خاصه بشركة الكهربا يقول بصراحه اغرتني مجموعه من الاجهزه وصرت اشيل فيهم وخويي قام يجرجر له لفة اسلاك قلت له وش تبي يا خبل فيهم احنا ناقصين سلوك قال خلك على اجهزتك ولا تبلشنا يقول استغربت منه هذا صاحي والا مجنون وقال ساعدني نحملها وراحوا فيها وقال تعال نجمع حطب قلت وش تبي فيه قال ماعليك اجمع وبس وبعده قام شب على الاسلاك قلت ليه تحرقها يا مجنون قال اسكت وبتشوف وبعدما احترقت ربطها في اخر الونيت وقام يسحب فيها في البران قال عز الله انه مهوب صاحي قال بعدما طار حملها في الونيت ووداني للبيت يقول بعد كم يوم تقابلنا وسألته عن اسلاكه وش سوى فيهم قال رحت بعتها ب 17 الف لكن انت وش سويت في اجهزتك يقول وقتها عرفت اني انا الي موب صاحي وش لي وش للخرابيط الي ما تجيب نتف

فانت على حسب المدينه الي انت فيها فاذا هي زراعيه أكيد ان تحتاج سماد زراعي وفيها حيوانات واذا خاليه من الزراعه فخذ ونيتك وجمع حطام السيارات والقطع الحديديه وقت فضاوتك وحطها في حوش وكلها كم يوم تجمع لك اطنان وتبيعها بالجمله

ومن طريقة كلامك اعتقد ان المنطقه الي انت فيها موجود فيها حطب السمر لو تجمع لك كل يوم حملة الوانيت ما تاخذ منك ولا نص ساعه وما بقولك خمس ست سبع حملات خله حمله وحده تجيب لك 300 ريال بالقليل واذا ما جابت لك او كان عندك نشاط زايد اجمعها في حوش وبيجي وقتها تبيعها يا جمله او مفرق وشي بلاش ربحه بين وما تهتم راح يجيك الي يشتريهم واذا تورطت فيه ولع فيه ثم طفه وخله وبعده جمعه في اكياس وبعه فحم والكيس على 50 وطالع