مثل ماقال مشرفنا : محمد الطميحي
بس انا بأقولك شئ وراح تشوف خيره لما تسويه
ـــــــــــــ
لما كنت في اول ثانوي وبالتحديد في الاجازه الصيفيه خطرت في بالي المشروع هذا واتفقت انا وزميلي (بحكم انه صاحب السياره > هايلوكس غماره )
كنت اروح لسوق الجملة بحي العزيزية ( بالرياض ) قبل صلاة الفجر > > آخذ جوله سريعه على البضائع اللي وصلت واشوف احسنها وبعد الصلاة مباشرةً اروح اشتريها ..

راس مالي وقتها 1000 ريال
( والله كنت اشتري صناديق طماطم بالجمله وبعدها بأربع دقايق وقبل ما احملها يجي زبون ويسومها بسعر مربح لي > > لاااحظ /// في اربع دقايق.. )

طبعاً انا كنت اشتري بالجملة واحملها بالسياره واوقف عند شارع حيوي وابيع بالمفرق شوف .. كنت اوقف من الساعه 6 صباحاً الى الساعه 5 العصر .. وتعال شوف ربحك..

لا تنسى بعد:
التمووووور وما ادراك ما التمور ..
لما دخل موسم التمور " " كنت كل يوم اروح لمحافظة الخرج (80 كيلو عن الرياض ) من قبل الفجر لمزارع المحمديه وهي من اكبر المزارع لانتاج التمور .. واحضر للمزادات اللي فيها .

كنت اشتري بــ 2 ريال بالجمله >> وابيعها مفرق بــ 10 ريال > > وعليك الحساب
بحسبه بسيطه: 2 ÷ 10 = 5 > > يعني ربحك 500% !!

ولو قلنا متوسط الربح 7 ريال في 150 كرتون تمر : 7 * 150 = ؟؟؟؟ > >هذا في اليوم !! اتوقع انها قريبه من يومية وزير

ومن خلال تجربتي اقولك:
تجـــــــارة التمور ربحهــــا اكبر من تجارة الخضار وكلهم فيها خير ورزق طيب
ـــــــــــــــــــــــ

يعلم الله ان الشغله فيه تعب ومشقه > > بس فيها ربح محد يتوقعه الا لما يزاولها بنفسه
(( مره من المرات اغمي علي بسبب ضربت شمس ))
وادري انها صعبه انك توقف من الساعه 6 صباحاً الى الساعه 5 ويمكن الى صلاة العشاء في عز الشمس والحر ..بس بتلاقي خير

ـــــــــــــــــــــــــــ

فيه شئ مهم //
انت لما تصعد السلم ما تصعده في خطوه وحده ولا يمكن تصعد نصف السلم الى الاعلى من غير ماتصعد من اول درجه > > يعني :
ليه مستعجل تفتح محل والا تمسك (خــط توزيع) من غير خبره ولا حتى تجربه بسيطه > > وبالاخير فــشــــل ..
صحيح انك تسأل وتناقش عن الموضوع هذا من خلال المنتدى او تسأل الغير
بس صدقني
اللي تشوفه بعينك بارض الواقع يختلف كثير عن اللي تسمعه بأذنك او تقراءه ..
روح للسوق وشوف بعينك > يوم يومين شهر > لاجل تعرف وش انت بتدخل فيه
وعجبتني كثير لما قلت > انك بتبدأ ببسطه صغيره .
ــــــــــــــــــــ

لما زاولت المهنه هاذي كان الكل معارض من اهلي ومن الناس كلهم > > الا ابوي كان يشجعني (وكنت مستغرب )> > وعرفت اللحين ليه كان يشجعني ..

وللأسف لما اقول لبعض الشباب عن المشروع هذا وانصحهم يجربوه كانوا يحتقرونه ومايبون التعب وعلى قولتهم: (( يازين المكيف .. والاحـــلام السعيده ))
ــــــــــــــــــ

والله والله انها تجاره مربحه وذهــــب ويمكن افضل من 100 مشروع يخطر في بالك
ولو اقدر اتحمل الوقفه بالشمس مثل ماكنت قبل > > كان الى اللحين مستمر فيها > > بس . . . .

بس احب اقولك شغله : الربح اليومي اللي كنت اطلعه من تجارة الخضار ما قل في اسوء الاحوال عن 350 ريال > > واقسم بالله انه كان اقل ربح لي كنت اطلعه لما كنت اشتغل بالشغله هاذي ..

ـــــــــــــــــــــــــ

ـــ ادري اني طولت بالموضوع وهو قصير
بس حبيت اذكر لك تجربتي > >لاجل تستفيد

ويعلم الله انك راح تلاقي خير كثير في المشروع هذا > > بس الصبر والامانـــــــه


وعسا الله يوفقك يارب ..