المشاركة الأصلية كتبت بواسطة طنش

السلام عليكم ورحمة الله وبركاته
أول شئ سوق الخضار بالكعكية بعد معرض مستبيشي عند الاشارة على اليسار خلف الطازج وله كذا بوابة اسمه سوق الدايل لانه هو الي سوا البنيان الي هو عليه ويعرف حاليا بسوق الخضار

ثاني شئ أصلا إذا لم يكن عندك نفس طويل فسوف تتعب أنا كانت عندي مزرعة في مكة على طريق الطائف نظامنا كيف في المزارع
1. الربح النص بالنص بينك وبين العمالة تعرف ليه لو أعطيتهم رواتب ما يشتغلون ويكرهونك في حياتك ويخسرونك أضاعف ما تدفع وعليك الاكل والسكن
لكن بنظام النص بالنص هم عليهم الاكل و جميع إحتياجاتهم وأنت عليك السكن فقط ويكرفون على خشومهم عشان يشارك الريال طبعا أنت كسبان في جهتين
1. جهة حملة الخضرة كنت أحمل الكرتون 2 ريال لمكة أما لغير مكة 3 ريال فتخيل أحمل 1000 كرتون كم يخرجلك منها فلوس صح
2.والمشاركه في القيمة البضاعة طبعا هم يطلبون أكل أنت أخصم حق الاكل من ربحهم فقط
لكن هنا تحدث أخطار في المهنة
1. إذا كان السوق مليان بضاعة عندما يقل السوق من الطمام يرتفع السوق فيضرب التجار العمالقة لعبتهم فيستوردو من الشام والاردن الطماطم وتعرف لو تجئ تحرج عليها ما تنباع ياما رجعت كراتين ما يقارب المئات لحظائر البقر عندنا بعد ما وزعت على كل من أعرف وما لا أعرف
2.يأتيك الظروف الجوية وخاصة السيول الجارية والاعجاج المدمر في طرفة عين محصولك راح فيها وكم مرة صارت لكن الحمد لله المعوض كريم

3. هروب العمالة الوافدة حسبي الله عليهم نخسر ونطلعم وما يجئ يوم والا وم هاربين


لكن أفضل نصيحة لمجرب ومع الرغم بأنها تسبب الحسد والبغضاء بينك وبين التجار السعودي والاجنبي هي المتجارة بين المدن طبعا أنت يوم تكون في الحلقة تعرف الناس الي تجيب خضرة من المزرعة وتعرف الناس الي تجيب خضرة من أسواق أخرى فخذ من الناس الي تجيب من المزرعة والخضار الطازجة في السوق وحمل على سوق أخرى هذه مكسبك في اليوم يتجاوز 8000 وفي يوم أخر تخسر 8000 وهذه مثل لعبة الاسهم ويحكمها قوة العلاقة بينك وبين التجار في الاسواق الاخرى أنا كنت أودي من مكة الى الرياض مع أستأجار دنة بقيمة 900 ريال وأحمل ما يقارب 800-900 كرتون ويكون مكسبي في الكرتون بعض الاوقات ريالين أو 5 ريالات و بعضها خسارة وأنتبه لا يدخل الطمع في قلبك ويبيلها نفس طويل الاجنبي ترى في السوق يزاود عليك حتى لو أنه خسران تعرف ليه عشان يطلعك من السوق أنا قعدت أسبوع كامل أبشتري بضاعة بــ 20000 ماقدرت يزاود علي لين كرهني حياتي وكرهت شئ اسمه مكتب العمل والعمال وكل الجوازات اه يالقهر وأخرتها رحت برا أدرس وأجيب شهادات مع سحبت ترم من الجامعة

تقبل تحياتي : ترى كم مرة أدق عليك ما ترد عساك بخير يا بنك الراجحي