اقتباس: اليوم صحيت الصباح وراي مشاوير كثيره شايل همها حتى وانا نايم ومشاويري مابين البنك وشركة هوندا والصناعيه ويمكن التشليح كمان المهم انا ترا طبعي مربوش كل شي عندي سرعه سرعه واليوم الساعه 11 تقريبآ لبست ثوبي وحذائي الله يكرمكم وعلى البنك على طول اول مشوار لي البنك لسامبا بجده دخلت البنك واشوف الزحمه وزعلان قافله معي من السياره قبل الزحمه ومستعجل بلحق على سواة السياره من كثر ماني مستعجل منتظر دوري في البنك واقف ماني جالس على كراسي الانتظار وموظف البنك جالس خلف مكتبه امامي لكن فيه حاجه غريبه انه يطالع فيا ويضحك مو بس يضحك وربي ميت من الضحك خلاني اكلم نفسي هذا ايش فيه وسوسبي بنفسي ويطالع في خويه واحس كأنه بيقول لخويه عن حاجه ايش هي مدري المهم انا ابتسمت له احرجني من ضكه قبل الموقف اللي ماعرفته لسه المهم في النهايه وهو يضحك اشر على رجولي بيده استغربت وسئلت نفسي هذا ايش فيه يشر على تحت بيده المهم قلت خليني اطالع واشوف ايش فيه واووووو وربي معه حق يضحك كل حذاء من وادي لاشكل ولا لون ايش الاحراج هذا مع الصباح صرت اوزع بسمات من قوه الاحراج وترا اللي حاظر الموقف غير اللي يقراه او يسمعه وكيف انا اللي حاصل معه الموقف ومالي وجه اطالع باللي جالسين بالكراسي احس وجهي حمر والموظف هذا كاي مايبي يسكت قلت في نفسي مابي اطالع في حد وخرجه ماني خارج لما اخلص اموري هي خربانه خربانه بعد الموقف لايعرفوني ولا اعرفهم وصرت انزل نفسي عشان اغطي الحذاء بثوبي وجلست بعد على الكراسي بس وربي غطيتها مزبوط يعني الناس اللي دخلو بعد ماشفوها لما جاء دوري وكويس دوري عند موظف ثاني مو عنده هذا الكاي خلصت اموري وعلى البيت ابدل حذاء .. ههههههههههههههههههههه وربي أحرآآآج ، لو انآ منك افصخه وأمشي حفيآنه وإذآ جيت بأطلع لبسته عالأقل كآظم غنى في حآفية القدمين حآفية القدمين ترقص ، ترقص بمدخل شريآني مره صحيت متأخره وكآن عندي اختبآر دوري يعني بعده برضوو فيه محاضرآت مو اليوم بس اختبار وبسرعه بسرعه صرت اتجهز ويوم وصلت للجامعه ودخلت للقآعه وكانو الطالبات بدأو اختبار من بداية ما دخلت للجامعه أصلاً حاسة فيه شي غلط بس مو مستوعبه ايش لأني مربوووشة مو متعودة أجهز فـ 10 دقآيق المهم دخلت للقآعه وأنآ أمشي مآ سمعت صوت الكعب طالعت في رجولي والقآني لآبسة شبشب البيت الله يكرمكم ريش ودبدوب وحوسة شهقت شهقة الله لا يوريكم ، الكل طالع فيآ وقالولي اشبك : قلت ولآ شي << فضحت نفسهآ وصرت انزل التنورة عشآن تغطي رجولي جلست في أطرف كرسي فآضي قآبلني واللي جنبي مآتت ضحك بغيت أديهآ بوووكس من قهري واللي من الجهة الثانية برضو انتبهولي واسمع ضحكات خفيفة / بغيت ابكي وربي من القهر فصخته ونزلت شنطتي تحت وغطيته بالشنطة وأنآ تربعت ع الكرسي ولما انتهيت من الحل مآني عآرفة كيف اروح وأسلم الورقة خصوصاً ان القاعه كبيرة و مدرج يعني من جد فضيحة واللي ما يشتري يتفرج فقـررت استنى الين يطلعوآ كلهم واسلم ورقتي آخر شي / وأنآ حفيآنة وأول مآ طلعت من القآعه دقيت ع أهلي يجيبولي صندل اقتباس: مرة كنت ماسك سرا في البنك الاهلي (زمااااااااااان قبل من يكون فيه ارقام) المهم جاتني عجوز ماسكه اوراق و تقولي ياولدي بالله قاطعتها وقلت له على الله (احسبها متسولة ) زعلت العجوز وصكتني بالاوراق على قفاي اثرها تبي تسألني عن وين توقع هي ووين يوقع المدير وجوا رجال الامن حولي وكل الناس تركوا السرا وجالسوا يتفرجوا علي وكويس ايامها مافي جوالات ابو كاميرا والا كان صار كلام ثاني الامن مسكوني والعجوز تطالع فيني وتقول هذا الولد قليل ادب وكل الناس تطالع حتى مدير البنك ترك المعاملات وجلس يطل فيني وكل ماتمر سيارة يوقف صاحبها ويخش الفرع ويقول وش فيه قلت قسم بالله سوء فهم قال واحد من الشيبان ازهموا على الشرطة وواحد مطوع قال دقوا على الهيعة وواحد ملقوف ما شفته بس سمعته يقول دقوا على مكافحة المخدرات عاد انا لميت اوراق العجوز وحطيت رجلي مع الباب والى اليوم ما عاد طبيت هالفرع مع انه قريب جدا لبيتي .. وربي موقفك تووووووووحفة احمد ربك مآ التموآ عليك وطآحوآ فيك ضرب وتكفيخ ع أسآس انهم يدآفعوآ عن شرف العجوزة