والله العظيم في الثانوية كان فيه مدرس قال تعرفون من اكثر دولة في العالم تطبق الشريعة الاسلامية ؟! قلنا مايحتاج سؤال أكيد السعودية ومن بعدها دول الخليج جلس يضحك علينا وقال الدولة الوحيدة اللي تطبق الشريعة الاسلامية هي طالبان لأن ماعندهم لا تلفزيون ولا انترنت والمرأة عندهم جالسة في البيت وماتخرج >>لا احد يجي ويقول مثال ماله دخل بالموضوع اللي بقوله ان مهما عملنا شئ جديد ماراح يتقبله المجتمع حتى لو شئ مايمس الدين لأننا قدمنا بعض العادات على الدين >>وهذه الحقيقة مثل لما كانوا يحرمون تعليم البنات واول ما اقر تعليم البنات قامت الدنيا وماجلست وانها بداية عصر الانفتاحية وان هذا راح يثير الفتنة لخروج المرأة من بيتها تخيلوا لو ما اقر تعليم البنات شوفوا حجم الجهل اللي راح يكون عندنا حتى في جامعة الملك عبدالله انا بسأل ايهما تفضل ؟! الاختلاط في داخل المملكة وتحت ضوابط مشددة ويكون اولادك واخوانك تحت عينك ! والا نبتعث طلابنا الى دول نعرف ان فيها من الانحلال الاخلاقي مايكفي ومن الصعب تعمل كنترول على تصرفاتهم ؟! وبعدين قرار السماح بتدريس الصفوف الاولية للمعلمات قرار صائب ياخي انا اخوي الصغير اقسم بالله ماعاد يبغى يروح المدرسة كله بسبب بعض المدرسين الأغبياء اللي مايقدرون من هم في هذا السن تخيل لما ولد يكون متعلق في امه ويبتعد عنها لأول مرة لأكثر من 6 ساعات ؟! ويكون في قمة التوتر ويجي احد المدرسين ويعصب عليه ويسبه !! وكأنه يعامل طالب في الثانوية مو طفل اولى ابتدائي! على الاقل ياخي المعلمة بتكون ارحم من هذا الدفش (المدرس) اللي مافي قلبه لا رحمة ولا شئ ويعصب على اتفه الاسباب هذا رأيي