اختي ريـــم .. أشكرك جزيل الشكر لإتاحة الفرصه لمناقشة هذا الموضوع الحساس << بتفش غلّها شوفي بالنسبه لي أنا فأنا أكيد أرفض رفضاً قاطعا أني أتزوج من ملتزم ليس تقليل من شأنهم والسبب ..... أول شي الحين صراحه نادر ما تشوفين إنسان ملتزم فعلاً مو من ناحية المظهر فقط يعني كثير نشوف رجال يقصروا الثوب ويطولوا اللحيه .. لكن هل كل من قصر الثوب وأطال اللحيه يعتبر ملتزم ؟؟؟ هنا المشكله كثير رجال (( هداهم الله )) يقصروا الثوب ويطولوا اللحيه ولكن هم أبعد مايكونون عن الدين .. (( شوهوا صورة الملتزمين )) يعني : يظلم - يقصر على زوجته مادياً - يمنعها حتى تزور أهلها وبعضهم حتى ما يحافظ على الصلاه في المسجد - وأول شيء يطبقه من السنه هو أنه يعدد في الزوجات .. وياليته يعدل بينهم لا تعتبري كلامي مبالغه لأني صادفت نساء كثر ويعانوا من هذه المشكله .. يعني مو كل من قصر ثوبه وأطال لحيته ملتزم ؟؟ ولا كل من لم يقصر الثوب ويطيل اللحيه يتعتبر فاسد ..!!! أنا برضوا صادفت بنات أزواجهم مو ملتزمين لا مقصرين الثوب ولا مطيلين اللحيه وعلى كذا ماهو مقصر على زوجته بأي شيء وعايشه معاه في قمة السعاده .. وعشان كذا البنت ترفض تتزوج بملتزم لان قله من الرجال يعتبرون فعلاً ملتزمين ظاهراً وباطناً ،، ولا الأغلبيه ماخذ الإلتزام كشكل فقط .. فلا تلومي البنات وآسفـــــه ع الإطاله