بسم الله الرحمن الرحيم السلام عليكم ورحمة الله وبركاته بصراحه انا ما ادري شلون بنسوي مع مكتب العمل والشركات .. انا خريج دبلوم سجلات طبيه مازلت منتظر ومنتظر ان يتم تعييني في احد مستشفيات السعودية بالقطاع الحكومي او الخاص ذهبت لمكتب العمل للترشيح لاي قطاع خاص لاكتساب الخبره فتسلمت خطاب من مكتب العمل الى مستشفى دله فكان بداية مشرفه فخضعت لاختبار المقابله الشخصيه والخ فقالو خلاص رقمك عندنا وراح نتصل عليك بصفة ان خطاب مكتب العمل مدته اسبوعين فانتهت الاسبوعين وعن الشكه قلت خليها للأسبوع الثالث فمريت عليهم قالو ماعندنا توظيف حاليا لان الموظفين موجودين لكن انتظر للصيفيه يعني مايقارب 4أشهر قلت طيب والشاغر اللي من مكتب العمل قالو ماعندنا شاغر اللا بعد اربع شهور قلت طيب اوكي سجلي بالخطاب انا ابي اتوظف لاتقطع رزقي قال اوكي نرجع الخطاب لمكتب العمل (طيب ماعندهم وظيفه ولا شاغر ليش يختبروني ويمرمطوني؟) ذهبت لمكتب العمل فبعد ان راء الخطاب قال مكتب العمل مو مشكله نحولك على مستشفى ثاني (ماشاء الله شغالين دفتر ابو40) اقطع وخذ فتم تحويلي لمستشفى الحمادي (احلى استقبال استقبلوني واحلى نفسيه شينه ماشاء الله عليهم ) اختبروني ومقابله شخصيه مع مدير السجلات الطبيه الهندي (انبسط يابو هنود حنا ما اشتغلنا شغلتك) :o قام يتفلسف علي وقال لا مايصلح ؟؟؟ ليش يعني عشان ماعندي انجليزي (طيب ليش هيئة التخصصات الطبيه تعطيني رخصة مزاولة مهنة وانا ما اصلح اصير فني) ؟؟؟ (للمعلوميه الاختبار باللغة العربيه) المهم قلت طيب سجل اني ما اصلح قال نسجل لك ايش المشكله والسبب لانه قام يسئلني اشياء عن السجلات عنده من الممارسه انا لسه مامارست العمل خريج قديم وابي اكتسب خبرهـ واعمل طبعا قالو لا مالك امل رجع الخطاب لمكتب العمل وبعدين اصلن لو نبي نشغلك نحطك في الاستقبال ؟ قلت طيب والدبلوم انا خريج دبلوم مو ثانويه وكمبيوتر قال عادي كل اللي بالاستقبال نصهم تمريض واشاعه ؟ ! ! ! (طبعا بعد مامرطوني شهرين ) المهم ضاقت النفس ضاقت الاخلاق خلاص مليت يئست قلت ابي اروح للمره الثالثه لمكتب العمل واخذ على الصرف الصحي اي مكان ؟ ذهبت لمكتب العمل فاستلمت خطاب ترشيح لمستشفى التامينات الاجتماعية (احلى استقبال ويضحك بوجهي ويقول انتبه تراء الاختبار انجليزي تابع اكشن وأم بي سي تو )يستضرف مايدري ان في واحد قافله اخلاقه ويبي يتوظف اي شي المهم قال خلاص نتصل عليك قلت فيه اختبار قال لا عبي الاستماره وبعدها ان شاء الله فيه مقابله طبعأ انتظرت مايقارب ثلاثة اسابيع رجعت لهم ماحصلت الاشعار يقولون ماندري وين راح ضاع ؟؟ !! رجعت لمكتب العمل وبلغتهم ان المستشفى يقولون ضاع قال مو مشكله نرشحك على مكان ثاني (ماشاء الله عليهم مكتب العمل خطابات مثل دفتر ابو40) اخذت خطاب ترشيح لعيادات الدكتور سليمان الحبيب رحت بالخطاب وقدمته واختبرت انجليزي والحمدلله عديت بعدها قالت الموظفه فيه انتظار قلت بيطول انتظاري قالت ممكن شهر قلت مو مشكله شهر بجي عقب شهر < ناشب والله قالت اوكي عقب شهر قالت لا والله ماصار شي في اوراقك بس بأمكانك تغير لنا المسمى الوظيفي بكأتب استقبال قلت اتوظف على طول ان شاء الله قالت ان شاء الله على طول رحت واخذت خطاب من ابو دفتر 40 على عيادات سليمان الحبيب وللاسف تم استقالة الموظفه ووضع موظف نفسه خايسه قلت انا الاخت فلانه كلمتني وقالت كذا وكذا وكذا وهذا خطاب الترشيح قال اوكي استريح المهم ناظر فيني قال حاليا مافي شاغر وبعدين اصلن مانبي رجال نبي نساء ومن بعد هذا الخطاب رحت لمكتب العمل عشان يعطيني من دفتر ابو 40 (خطاب ترشيح) قالي الموظف آسف ماعاد فيه خطابات ترشيح ؟؟!! السبب قال الحين بنريحكم (ماشاء الله الله يبيض وجيهكم) طيب وشلون وش الحل قال تقدم عن طريق الانترنت قلت اوكي رحت للأنترنت ويوم دخلت اللا اثاريني مقدم من اكثر من ثلاث اسابيع (معلومه: نظام التقديم بوزارة العمل بعد ماتسجل البيانات وكل شي وتحط الباسورد يطلع خطأء لو انك متأكد 200% يوم شرحت للموظف هالمشكله ابتسم يقول والله ما ادري ممكن فيه مشكله بالموقع) طيب انا وش ذنبي اتحمل هالشي طيب الحين انا قدمت عن طريق النت على كلام الموظف ان الشركات تطلب الموظفين طيب انا الشركات الخمس اللي ارسلتوني لها رفضتني باسباب مبهمة منها ضياع الخطاب ومنها يوعدوني بوعود زائفة ويوم اجيهم يقولون ردينا على مكتب العمل اجي مكتب العمل يقول مو مشكله نحولك على ثاني مايستفاد من الموضوع : 1-تبطون الشركات تطلبكم وابشرو بالخير بتزيد نسبة البطالة 1000%. 2-اصبحت خطابات مكتب العمل لا اهمية لها ولا تعبير لها . 3-يوم كنت عند الموظف اشرح له كان في مندوب شركة يعطي المشرف ورقه مكتوب فيها مطلوب مهندسين براتب 4500 بدل نقل 500 بدل سكن 0 قاله الموظف لازم بدل سكن اللا اذا كان سعودي عادي (ليش يعني السعودي ضايع حقه)؟ الاجنبي بالدرجه الاوله والسعودي بالدرك الاسفل من النار ؟ أشكرك على حسن استماعكم