المشاركة الأصلية كتبت بواسطة ال محارب

يالغالي دام هذا نظامك عندي لك راي مضبوط

اذا راس مالك حول ال 50 الف
افتح محل تبريد وتكييف ( راس ماله 8 الاف )
محل ثاني الكترونيات ( راس مالة حول الاول 8 الاف )


وافتح محلك اللي هو الزبدة الاثاث المستعمل

وان حصل تحصل في عمارة 4 فتحات فاضية يكون افضل واخبر الاجار عندكم رخيص هههه

فتحتين لنشاطك المستعمل
ورشة تبريد لصيانة المكيفات والثلاجات وطقتها
وورشة لصيانة المكانس والتلفزيونات ...الخ

دور لك عامل تبريد وتكييف انقل كفالته واجرة ب 500 بالشهر والاجار عليه
دور لك فني الكترونيات انقل كفالته واجرة ب 500 بالشهر والاجار عليه

واشرط عليهم اي شغل تجيبة شغل اليد ببلاش وقطع الغيار عليك

واشر وبع انت في محلك بالاثاث بعامل واحد ويكون سواق

حاول تستغل العامل في اكثر من شغلة وخله على قولتكم يالقصمان ( محش ن مجردة) هههه

بالنسبة للفرشات نسق مع مغسلة بحيث انك تغسل عنده بنصف السعر (بيوافق) لان شغلك واجد
بالنسبة للاثاث نشق مع محل موبيليا بنفس الطريقه

بالنسبة لشراء البضاعة ان بغيت اضبط وضعك مع واحديطلع لك دينا اسبوعيا من الرياض لديرتك وياخذ نسبته انا حاضر وترى الرجال والله امين وثقه والا كان مانصحتك به

اشتر المكيفات بالشتاء ارخص وبعها بالصيف

واذا بغيت اي خدمة تراني بالخدمة