اقتباس:
المشاركة الأصلية كتبت بواسطة مكةقلبي
أخوي بوعبدالعزيز
خذ نصيحة أخ لك جرب مشاريع كثير وخسر مايقارب نص مليون
لاتبدأ أي مشروع بشكل كبير
أبدأ بمشروع صغير وخليه يكبر مع الأيام تكون خلالها تعلمت أسرار الشغله ولما تكبر تكون متمكن وعندك خبرة كبيره
لا تسوي مثلي دخلت غشيم متعافي وأكلتها وخرجت خسران( زيروا) الحمد والشكر لله على كل حال
والحين صحيت بعد ماراح رأس المال
لو تجمع قصص أغلب التجار الكبار تجد أن بداياتهم كانت صغيره جدا بنفس المجال
لنا قريب مليونير مقاول بدايته كانت موظف بمؤسسة مقاوله بمبلغ زهيد وبعد ماشرب الشغله صار هامور فيها
واعرف فلسطيني يملك مصنع ألومنيوم كبير بمكه وله أكثر من 8 معارض مطابخ ألومنيوم بالغربيه
كانت بدايته عامل بمصنع وشرب الشغله وصار هامور فيها
شوف المجال إلي تحبه وأبدأ بدايه بسيطه حتى لو أشتغلت مع أي هامور ولو مجانا عشان تشرب الشغله وتعرف أسرارها
لكل نوع من التجاره شفره ماراح تستطيع تفكها إلا بالخبره والاحتكاك مع أهل الصنعه لفتره ليست بسيطه
راح تقول كلامك صعب ننفذه
وأقولك لو ماتقدر خليك بالعقار أفضلك
هذه نصيحه خالصه لله
وأتمنى منك فقط دعوه صادقه لي
|
ماقصرت اخوي مكه قلبي كلماتك تدل على خبره وحكمه قل من يتصف بها
اخوي ابوعبدالعزيز أنا اتفق مع اخي مكه قلبي فيما قاله 100%
واضيف :
بالنسبة للمشاريع التجاريه الناجحه في الوقت الحالي هي المشاريع الحديثه غير التقليديه وذلك
لعدة أسباب لايسع المجال لذكرها
وفقنا الله واياكم جميعا
اخوك / ابوابراهيم