السلام عليكم ورحمة الله وبركاته
انا طليت عليكم قبل فتررره بفكررة مشرووع اللي هو افتتاح اول مقهى نسائي بمكه بس قلتوا لي انو ممكن مايجيكي ربح كوويس وخصوصا لاكنتي معتمده عالربح بشكل اساسي وانو مثل هالمشاريع تعتمد على ثقافة المجتمع واحتمال الامانه ماتوافق على التصرييح وآووحبطت مع انو كان حلمي اسوي مشروع واثبت كياني فيه بس لازال الطمووح موجود ولو اني مافي احد داعمني كثير بس متفائله خيير
من باب اسعى ياعبدي واسعى معاك وماخاب من توكل على رب العالمين
المشروع اللي بالي اللحين مشروع كوويس وتقدرون تقولون مررربح وحيكون مميز
لان التمييز سر النجاح
حيكون شركة لعمل بوفيهات الافراح والحفلات بشكل عام
شركة مكونه من قسم رجالي يتضمن مكتب لاستقبال الزبائن و طاقم العمل تبع تجهيز الماكولات وقسم نسائي لاستقبال زبائن النساء وطاقم تزيين ديكورات الحفل
مع امكانية عمل عشا او غدا تجريبي لتجربة الماكولات المختاره بالحفل <<<<< فكره اتوقع جديده
المشروع بشكل عام مثل ماهو متعارف عليه تجهيز الماكولات وتوصيلها للحفل
لكن المميز فيه حيكون مرفق بديكورات خااصه مبدئيا حتكون بسيطه حعتمد 3 ديكورات فقط حتى يمشي المشروع كويس
ايضا تتم تزيينها بواسطة طاقم التزيين النسائي
حنعمل بوفيهات انواع مثل ماهو متعارف عليه ممكن ندرج بوفيه خاص بالمأكولات الشعبيه كخطوه اولى من نوعها
ايضا حيوجد استعداد تام لاقامة حفلات التخررج واعياد الميلاد بما انو احنا على موسم دارسه
ابغي اعمل حلويات مخصصه لهالنووع من الحفلات ابغى شي مره مميز
ايضا بالنسبه لحفلات الاطفال ممكن نعمل ماكولات خاصه فيهم باشكال متنوعه من كب كيك وفطاير باشكال جذابه
ولسى الافكار مرررره كثيره بس بالبدايه ماراح اعتمدها كلها
لانو لوبعتمدها كلها حتكون الميزاينه اكبر
فانا ابغى لمن يمشي المشروع ويطلع رربح حلو ابدا اطور المشروع اكثر واكثر
اللي ابغا اووصله لكم انو مابغى اعمل مشروع عادي لانو شركات البوفيهات متواجده بس ماتوقع معاها خدمة تزيين البوفيه لانو مثل مانتم عارفين العين تاكل قبل الفم والشكل الحلو يجذب اكثر ولاننسى اهمية جودة الماكولات لانو لو كان الديكورات والشكل حلو والطعم مش ولابد حيكون مشروع فاشل
طبعا انا شفت بوفيه كان مزييين بطريقه عجيبه كان مرررره حلو وفكرت وقلت ماعندنا في مكه زي كذا فلو ابتديها حتكون خطوه حلووه
بالنهايه ابغى مشورتكم
كم حيكلف المشروع؟؟
ممكن تضيفون لي افكار جديد ومهمه لنجاح المشروع؟؟
ممكن استفيد من خبراتكم؟؟
وتتوقعون شركة عبد اللطيف جميل راح يوافقون على هيك مشروع انا اخذت لفة على مواضيعهم بالمنتدى
لقيت انو مو بالسهوله تقدر تاخذ دعم من عندهم وانو معقدينها حبتين
بينما صندوق المئويه يقولون اسهل بكثير بس صندوق المئويه مافيه فررع بمكه!
دراسة جدوى المشروع مرعبتني فكرة العمال والرواتب مررررررررره ساعات اتررد عشانها ولو وافقوا شركة عبد اللطيف لازم يكونوا كل العمال سعوديين طيب من فين اجيب شباب سعودي خريجين كلية الطهاه خصوصا الحلويات ابغى متخصصين بتزيينها
وبالنسبه للنساء من فين اجيب خريجات فن ديكور ؟
ونفس الشي استهلاك الطاقه من كهرب ومويه وايجار المحل ؟؟
مستنيه دعمكم لي وتشجيعكم ترا متحمسه للمشروع
الله يعطيكم العافيه