السلام عليكم ياشباب
انا اليوم راح احكي لكم وش صار معي في امن المنشآت
طبعاً انا من أهالي الأحساء وطلع قبولي بالدمام ومقدم بالبكالوريس على رتبة وكيل رقيب
في البداية خرجت من الأحساء الساعة 5 ونصف صباحاً متوجهاً إلى الدمام ووصلت الساعة 7 مساءً وضيعت الطريق شوي إلى أن وصلت مدينة تدريب أمن المنشآت الواقعة خلف اسكان الدمام ومن ثم دخلت مدينة تدريب أمن المنشآت وقال لي العسكري معك نموذج التقديم وقلت له: أي نعم.وقال لي تفضل إسترح ومن ثم ننادي عليك على أساس تقيس وزنك.طبعاً احب أطمنكم إن الي ماطبع النموذج الخاص بالتقديم ماعنده أي مشكله لأنهم يطبعونه لك إذا إنك ماطبعته.
طبعاً إنتظرنا قرابة ساعة ونصف إلى أن جاء دوري ودخلت الغرفه الخاصة بالميزان وشفت الي يقيسون الوزن والطول ضباط ويمهم واحد رتبته نجمه وتاج.المهم إنهم قالو لي إخلع الجوارب والكنادر (وإنتو بكرامه) ورفع صروالك إلى الركبه ومن ثم وقفت عند الميزان وقال لي إنتبه تشد جسمك لأنك إن شديته راح ارسبك،المهم إني وقفت على الميزان وطلع طولي 178 سم وانا حاط في النموذج 180 سم ووزني طلع 75 كجم ومن ثم ختم على النموذج مكتوب فيه (لائق).
وبعد كذا قالو لي إدخل الغرفه الموجوده على اليمين ودخلت وجلست على الكرسي وناداني الضابط وجلست يمه ومن ثم قال لي عطني شهادتك وعطيته شهادتي وناضر في الشهاده وهو معصب وقال لخويه الضابط ناضر الشهاده وناضرها وهو معصب وقال لي ليه ماقدمت في كلية الملك فهد الأمنيه وقلت له ضروفي ماتسمح.ويعصب زياده ويقول لي حرام عليك حرام عليك إنت شهادتك بكالوريس ومعدلك 3.35 وتقدم على وكيل رقيب والله ياشباب هذا الي قاله لي الضابط والله ياشباب ماباقي إلا اشوي ويقوم يضربني لأنه عادني مثل أخوه، ومن ثم وقع على النموذج وقال لي راح تجيك رساله أو إتصال بعد 3 اسابيع إنتبه لجوالك لأنك راح تكمل باقي الإجرائات في الرياض وعطاني ورقه مكتوب فيها بعض الأمور المطلوب إحضارها عند المراجعه في الرياض.
وطبعاً الفحص الطبي والياقه والمقابلة باقي عليها لأن كل الي صار اليوم مُجرد طول ووزن.
وطبعاً في تدقيق موطبيعي على الوزن والطول في واحد قدامي قالو له غير لائق لأنه ناقص 1 سم وفي واحد وزنه زايد 5 كيلو وردوه وبالنسبه لحلاقة الشعر ماعندهم مشكلة.وبالنسبة للجامعي وتقديره مقبول انصحه يجلس في بيتهم لأن خويي ردوه على تقديره (المقبول).وبالنسبة للثانويه العام أقل نسبه يبقونها هي 86%.
أي إستفسار راح ارد عليكم اليوم إن شاء الله لكن عذروني انا الحين راح انام لأني تعبان
تم كتابة الموضوع بواسطة اخوكم البطل بوعلي