ماشاء الله تبارك الرحمن معدلك قوي قوي وباين عليك دافور ماشاء الله عليك والله يحفضك من العين.
والله من وجهة نظري تروح الأمنية أزين لك وإن شاء الله راح يقبلونك لأن معدلك قوي لكن أهم شي تكون طويل ومافيك أي امراض لاسمح الله وإن شاء الله يقبلونك.
وإذا ماقبلوك قدم على الإبتعاث لأن الأمنية على مااعتقد ماتقبل إلا خريجي السنة هذي والي قبلها.
وإذا إنت تبقى تكون نفسك فالأمنية افضل لك والراتب أول ماتتعين مايقل عن 10000 وربما أكثر،صحيح إن فيها شوية قساوة لكن على الأقل تكون ضامن نفسك إنك على راس وظيفة.
بالنسبة للإبتعاث بصراحه فرصه حلوه وماتتفوت لكن يبقى لك 3 سنوات على ماتخلص الماجستير يعني إذا عمرك الحين 24 ماراح تخلص إلا وعمرك 27 ويمكن إذا بتكمل دكتوراه راح يكون عمرك قرابة 30.
صدقني العمر يخلص والعلم مايخلص.
وإنت براحتك لكن نصيحتي الأمنية افضل.