السلام عليكم ورحمة الله وبركاته

بسم الله الرحمن الرحيم

بصراحه انا هاوي للشعر واكتب الشعر وابي منكم تقيمون شاعريتي هذي القصيده كتبتها وابي رايكم بصراحه بدون مجامله



تدري وش الي زود همومي بهم

لاشفت خلي جــالس عـند عيـني

لــيته يــجي ويـــمد يــده يســـلم

وان غبت عن عينه جلس يحتريني

ياليت يـامرني وانا اقول له سـم

مثل النقيب اللي يحاكي السجيني

يا تاج راســي يا سـيدي ويـاعم

يــاكــل شئ بـالوجـود يعـنينــي

ليته يجي ويقول فضفض تكلم

دام الهوى مخصوص للعاشقيني

لــكن هــذا حلــم يامـــا اتحــلم

واصحى على واقع مرير وحزيني

دايم اهوجس فيه وبسمه اتمتم

ومن شاف حالي قال للي ياعويني

سبـحان من اعطـاه شفه ومبـسم

وكمل حلاه بالخد والوجنــتينـي

مدري انا الظالم او منه الظلم

لـكن قلـبي ضاع بـينـه وبـيني

ان قال لي مابيك بقول له تم

بس اشترط واشهد السـامعيني

لاشافني في يوم مابيه يندم

ويزعل على شئ مضى من سنيني

لاني احبه ثم احبه ومن ثم

مرضاه يزعل هو بعد كل زيني