لو هبة الريح {في حبك وتذكاره}
..........للحب شجره وحبك شجرة انسابي



ميدان حبك طويل وطال مضماره
.......... اسابق الريح والشرهه على ركابي




ضيعني الوقت ...! والآيام دواره ...!
.......... وفي كل ليله حبيبي يكسب إعجابي...!



لو اجتمعنا لقيت { افكاري افكاره }
.......... ولو افترقنا لقيته { يكره غيابي }



حتى خفوقي ونبضه ضيع اوكاره
.......... من كثر ما فز نبضه يزعج ثيابي..!



تخاف قلبي ونبضه يكشف اسراره
.......... واسرار قلبي { بعيني دمع } يقرابي



اعزف على الناي والا { قطّع } اوتاره
.......... ازعجت صدر الفضا ما يسمع اعتابي



العام جسر المحبه نبني جداره
.......... وبيت المحبه فتح بابه على بابي



و اليوم جسر المحبه بانت اسواره
.......... في درب من لامني واللي تهقوابي



تغير الوضع في حبه ومقداره
.......... وإنبح صوتي وانا في راس مرقابي



حتى رقيق المشاعر كثرت اعذاره...!
.......... كثرت وعوده وانا عايش على اعصابي



يا قوا قلبه نساني نعنبو داره
.......... واسمه بقى فهرسي في صفحة كتابي



ولا زالت الناس تسألني عن اخباره ..!
.......... سؤال من قبل لا تسأل عن اقرابي



ملامحي واضحه والناس ثرثاره
.......... والله ما تحسب حسابه ولاحسابي



غرست للحب { كلمه } تنبت ازهاره
.......... وخلدّتها للزمن والصمت جلبابي



ضيعت عمري وقلبي تشتعل ناره
.......... تحرق ضلوعي سبايب صفوة احبابي



لآ حنْ قلبه وعقله شغل آنوآره
.......... يسكن هنا في مكانه بين الاهدابي



متى على الله لقانا { ينفض غباره }
.......... ونشعل شموع اللقا في ليل يزهابي



والصمت لازال يشرب كاسة امراره
.......... لين انفجر للكلام { وداعب لّعابي }



مرارته باقيه لو سالت انهاره
.......... قلته ولو كان ما رحب وهلاّبي



راقت لي كثيرا