السلام عليكم ورحمه الله وبركاته
الله لا يصبحكم ولا يمسيكم إلا بكل خير

الى كل المشرفين أرجو سعة الصدر من الموضوع
وحاطه بواحة الاعضاء ،،، يعني مزح بمزح ...

تدرون كيف ترفعون ضغط المشرفين ؟
اتبعوا الآتي ( وبتروحون وطي ) :

عزيزي العضـو المشاكس اللي وده يرفــع ضغــط المشرفيــن وسينتقل رفع الضغط للإداره بشكل غير مباشر .... يتبـع التعليمــات التاليــه وسيجـد نفســه مطــرود بالشلوووت مع التحيه :
ماعليك الا انك تنظف اذانك وتركز زين .. وانا اضمن لك كل شي مع قطع الغيار الاصليه ...

وكــل شي موضّـح بالأمثــله لتسهيــل استخـدامهــا:

<< نحــن في خــدمــة الشعـــب،،، مادام الشعب رايح فيها >>

الخطه a :
أدخــل اي قسم واكتب أي موضــوع ماله دخــل في هالـقسم ،، الموضوع في وادي والمنتدى في وادي ثاني .
مثال : اكتب موضوع إسلامي في قسم البرامج والكمبيوتر
ويفضــل لو تكتـب عليه (( ارجــوا التثبيـت )) يكون لها طعم احسن

بعد عدة محاولات ستنذرك الاداره ،،، ولاكن لا تخف هناك دوماً حلول ...

إنتقل للخطه b :
خـذ لك موضـوع توه جـديد من أي قسم >>> انسخـه واكتبـه بإسمك مره ثانيه في نفس القسم ,,
ويفضــل تكتب عليـه ((( فكــره جديــده )))
<< هنا المشــرف بيدوخ.... مايدري وين المكـرر عشــان ينقله >>
تكرار هذه العمليه سيكشفك عن طريق وقت كتابة المشاركه ،،، لاكن لا تخاف هناك دوماً حلول ....

إنتقل للخطه c :
خذ موضوع جديد من قسم ونسخه وكتابته في قسم آخر يكون قريب من فكرة قسم الاول ،
يعني خذ مواضيع من قسم المنتدى الاعلامي، وحطها بــقسم تنمية المواهب وتطوير الذات ، أو خذ من منتدى الكمبيوتروالبرامج ، وحط بمنتدى قسم البيع والشــراء بعد عدة محاولات ستكتشف الإداره إنك تستعبط ...

إنتقل فوراً للخطه d ،
وهي تكون مجهز قصيده مدح لمنتدى حلول البطاله، عشان تبرد قلوبهم شوي .(( لا تنسى تحط القصيده في منتدى مبروووووووك التعيين

إنتقل للخطه e :
اكتب موضوع في منتدى الشكـاوي والإقتراحــات (( إلحقوني ياشباب )) >> طبعـا بيجيك المشرف طاير
واكتب في الموضوع (( واحــد صفــر )) مرفقه لصورة واحد يضحك
نصيحه : يكتفى بمحاولتين فقط (( لأن هذه الخطه لكسب الوقت فقط )) .
حتماً ستنكشف بسرعه ،،، لكن لا تخف هناك دوماً حلول ...

إنتقل للخطه f :
أذهب للمشاركات الخاصه للمشرفين (( الكتابات الغير منقوله ، وإنما من إبداعاتهم الشخصيه ))
وإبدأ شكك بالموضوع ،،، أنا كأني شايف هـ الموضوع قبل كذا !!!
(( ويفضل في هذه النقطه التركيز على المشرفات وليس المشرفين ))
تقول للإداره ياأنا ياهذا بالمنتدى !!!
إذا إنكشفت ،،، لاتخف هناك دوماً حلول ...

إنتقل للخطه g :
ادخل على أي موضوع مثبت ... وقلل من أهميته ،،، ووضح بأن هناك مشاركات أفضل منه تستحق التثبيت .
(( ركز على المواضيع المثبته للمشرفين ))
ستنكشف ، عن طريق تذمر المشرفين برسائلهم الخاصه منك ومن هبالك ،، لكن لا تخف هناك دوماً حلول ...

إنتقل للخطه h :
حاول ترجع للمواضيع القددددديمه (( كح كح كح )) وتعلق على 10 مواضيع في وقت واحد ،،، عشان تقلب الشاشه الرئيسيه لحلول البطاله فوق تحت .

يفتكرون بالأول إنك جديد ع المنتديات وأول مره تشوف مواضيع ، لكن بعدين بيصيدونك .
لكن حتى لوصادوك ، قول لهم أنا ابغى أزيد عدد مشاركاتي عشان أتميز بس .
سيكتشفون مكرك عاجلاً أم آجلاً ،،، لكن لا تخف هناك دوماً حلول ...

إنتقل للخطه i :
شوف لك مشرف أو مشرفه وتلزق فيه.........كل يوم إرسله رسائل خاصه تقـول له
إيش رأيك في ذاك الموضــوع ... احـس انه مو حلو احذفه الله يخليك ,, ولا ذاك الموضـوع رهيـب ثبته الله يخليك,,
هنا المشـرف أو المشرفه بيكره اليوم اللي خلـوه فيه مشــرف
حتماً ستنكشف ،،، لكن لا تخف ، هناك دوماً حلول...

إنتقل للخطه j :
تولج لك (( تولج = إمتحن )) عضو طحطوح ، يعني من الأعظاء اللي مشاركاتهم 1000 ومافوق ، إمتحنه في كل مواضيعه ، عشان يوّصل الوضع للمشرفين والإداره ...
ستنكشف ،،، ولكن لا تخف هناك دوماً حلول ...

إنتقل للخطه k :
دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع أبد !!!

ياجماعة الخير بعد كل هذا وماينطق عليه ... صعبه ، ، ، ولكن

جميع ماذكر إذا كنت تبغى تنطرد وإنت منّشف ريق الاداره والمشرفين ، وتوضح إن الخطا منهم مو منك ، وتكون مخرب المنتدى ، ويكون نص المشرفين تنازلوا عن الاشراف ، وثلاث أرباع الأعظاء شردوا ، وزين إذا مدير المنتدى ما قفل المنتدى !

لكن إذا بغيت إجراءات سريعه وبدون إستعمال كلمات بذيئه عليك بـــ :

الخطه tnt :

عند تعيين أي مشرف جـديد أبدا بالكلام عن الواسطة وأنها ما تستاهل ولمّح أن الإدارة ما عندها سالفة ,,، وإللي عطاكم بالملعقه يعطينا بالكريك ، و . . و . . (( ماراح تكّمل أساساً ))

هــذي تغنيــك عن كل الوســائل اللي راحــت ونسبة نجاحها مليون بالمية و مطرود بالشلوووت الذهبي .