السلام عليكم ورحمة الله وبركاته

ابخش على الموضوع دغوري و باختصار

انا قبل كنت عاطل وعندي ديون المهم ياخوان كان ضايق صدري ( كنت اقول بنفسي ) الله مايقدر يرزقني لو بغى كان رزقني زي هالاجانب ,,,,, ما اقول الا الله يغفرلي و يتوب علي

المهم جت فترة داومت على الاستغفار

بعدها فتحت لي ابواب الرزق و الخير تصدقون ماكان يمر اسبوع الى اسبوعين الا وجاني عرض وظيفة وحده بجامعة الملك سعود وظيفة كاتب بالتعاقد ::: و الثانية / وظيفة فني حاسب آلي

بوزارة الصحة بالتعاقد

عاد انا رحت للوزارة الصحة وارسلو شهاداتي الى مكتب استشاري عشان يسوي معي عقد عمل

و المكتب اتصل علي وحدد معي وقت عشان اوقع عقد العمل رحت للمكتب و قالي راتبك 6000 يالله قسم بالله اني مو مصدق راتبي كذاا ولا دوام من الساعه 8 الى 2 الظهر و خميس وجمعه اجازة

الحمدلله


المهم اشتغلت و الحمدلله سددت ديوني ساعت الوالد على تسديد دين ايجار البيت ( شقة ) و شريت سيارة و اللحين تيسر لي الزواج و ابو البنت قالي بس ادفع المهر و الباقي مالك شغل فيه

المهر قدره 30 الف و بالتقسيط

الحمدلله

واموري كلها تيسرت بعد ما كنت استغفر

الحمدلله و الله يرزق كل عاطل و يفرج كل هموم المسلمين