السلاااام عليكم ورحمة الله
مسااااااء / صبااااااح الخير للجميع

قصتي تبدأ من عام 2002 ، تقدمت على وظيفة مندوب مبيعات عن طريق برنامج التنظيم الوطني للتدرب المشترك ، ووقعت عقد مع شركة تجهيزات طبية مشهورة في المملكة ، براتب 3200 ريال وبعد ما امضيت نص فترة التدريب حصلت على وظيفة ثانية وتركت الشركة بدون ما اقدم استقالة (غياب) ومرت 4 سنوات تقريبا ورحت للتأمينات الاجتماعية عشان اضم خدمتي لمصلحة التقاعد ، اللي حصل طلعوا لي برنت لقيت ان الشركة الأولى استخدمت اسمي لمدة 3 سنوات ونص كموظف يعمل لديها مع العلم اني ماشتغلت عندهم الا شهرين تقريبا ، 3 سنوات ونص يدفعون للتأمينات الاجتماعية تقريبا 9 في المائة من راتبي يعني حوالي 290 ريال ، طبعا اللي يقول خطأ غير مقصود اخالفه ، لسبب بسيط ، المدة 3 سنوات ونص معقوله مايدرون انا اداوم والا لا ثانيا مقر عملي في المركز الرئيسي ومكتبي جنب مكتب مدير شئون الموظفين ويعرفني واذكر اني قلت له ماعجبني الشغل بسبب محاربة الجالية العربية لكل السعوديين اللي كانو معي تخيلوا كانوا يطلبون منا نتعلم انجليزي في فترة شهر عشان نتفاوض مع المستشفيات الكبيرة في بيع الاجهزة الطبية اللي اسعارها تتجاوز 8 الى 10 مليون ويهددونا بالطرد اذا ماقدرنا نقنع المستشفيات ( التخصصي - الحرس الوطني وقوى الأمن وغيرها )!؟
بعد كم شهر من المضايقات 6 من السعوديين تركوا العمل وانا من ضمنهم ، كان من المفترض يلغون عقودنا ويجيبون غيرنا سعوديين وعندهم لغة جيدة مايتركون اسامينا ويستغلونها استغلال سيئ ويقنعون مكتب العمل ان نسبة السعودة 20 في المائة والدليل ............... فلان وفلان وفلان عندنا
انا قررت امرمط الشركة واطالب برواتبي طيلة الثلاث سنوات ونصف وابدور على خوياي ان شالله القاهم مع اني ناسي اساميهم الحين يمكن صارلهم نفس المشكلة .

للمعلومية صاحب الشركة : أردني و 70% من الموظفين اردنيين والجنسية هذي معروفة بحبها للسعوديين لدرجة العشق

الزبدة
كيف أبدأ في الدعوجة ابي أأدب الشركة لو مايجيني ريال واحد المهم ياخذون جزاهم من التحايل والتلاعب وحتى تكون فرصة لتوظيف السعوديين واحترام وجودهم وتطويرهم والاستفادة منهم

*** اللي عنده وقت ويبي يشتغل معي في هالقضية بعطيه من الكعكة ***