انا اذكر مره شفت حادث قدامي ولما جيت للسيارة لقيت بنت مع ابوها محشورين داخل السيارة والناس تتفرج فيهم جيت انا وكم واحد طلع الاب والبنت من السيارة وحطينها في سيار الاسعاف وفي واحد جالس يصورنا واحنا نطلع البنت ......بعد اسبوعين كنت جالس في قهوة مع واحد من الشباب قال شفت البنت اللي ماتت مع خويها في حادث....قلت له لا والله ماشفته قال شوفه يوم شفت المقطع الا وصورتي وانا وكم واحد لما طلعنا البنت ............وصوتي لما قلت لهم وخروا ياعيال (.....)..........انتهى.....
اللي بنشر مقطع فيديو او صورة ويبغى لها النجاح يكتب سعودية او سعودي.....او خليجي او خليجية.....
اذكر ان الكاتب السعودي ثامر الميمان كتب مذكرات داشر سابق ......بس فضل انه يغير الاسم الى مذكرات داشر سعودي سابق ..عشان يضمن انها تنتشر بشكل اقوى.........ما ادرى وش السر في السعودي او السعودية اللي يخلي اي موضوع ينجح بمجرد اضافة اسمائهم لها؟؟؟؟؟؟؟