بسم الله الرحمن الرحيم
كيف حالكم؟؟
انا حابه اطرح مشكلتي .. الي كل مااتذكرها مره مره يضيق صدري
انا موظفة في احد المدارس الاهلية .. وحاليا صار لي 4 سنوات عندهم بعمل اداري
الراتب كأغلب المدارس الاهلية 1500 والزيادة السنوية 50 ريال..
وطبعا الزيادة تروح في خصم التأمين
المشكلة اني اكتشفت لما اعطونا مكافأة ان موظفة تحمل مثل شهادتي ومعها دورة حاسب مثل الدورة الي معي .. لكن استلمت المكافأة مع بدلات وغيرها موظفة ثانية اخذت مكافأة مع بدلات
والكل يعرف ان المكافأة لا تشمل زيادات ولا بدلات ولا شي .. فقط الراتب الاساسي .. ولما تكلمت مع المسؤول عن الرواتب قال هذه الموظفة نعطيها بدل .. والموظفة الثانية هي طالبتنا بزيادة لان عندها خبرة كثيرة من اول وخارج المدرسة لكن انا مشكلتي اني سكت .. يعني كأنه يضحك علي.. انا اخذ مكافأة راتب اساسي وغيري ياخذها مع بدلات ؟؟!!..
لما تكلمت مع المديرة قالت مافيه الا انك تكتبين خطاب لمدير المدرسة وتشرحين ظروفك (( لان ظروفي صعبة واعيل أطفال)) وقالت لي انا بكلمه هاتفيا اوضح له وابين انك انسانه بالفعل تستحقين الزيادات لان مجهودك رائع ولله الحمد.. قلت اوكى
واروح اكتب الخطاب وارسلته.. بعد فترة لما سالت المديرة قالت انا اسفة ماراح اكلمه انتي كلميه.. انا مستصعبة الامر لانه رجل.. قالت هذي مصلحتك وانتي كلميه .. قلت بنفسي بس انتي وعدتيني انك تكلمينه!!..رغم اني سبق وان كتبت خطاب لمشرف المدرسة عشان ينظر في راتبي
لاني مسكت اكثر من وظيفة (( 3 وظايف في وقت واحد)) وكان راتبي راتب واحد
يعني غيري ياخذ المكافأت والبدلات . . وانا فقط على راتبي .. وبعضهم يعلم الله ان اغلب وقتهم جالسين ماعندهم عمل.
المهم.. حاليا: كل مااتذكر الدوام بصراحه يضيق صدري واقسم بالله العظيم اني ابكي لما اتذكرها .. غصب عني .. لحد ماقلت انا مو مغصوبه عليها ولا احد يجبرني اني اداوم فيها لازم القى لي مكان ثاني ارتاح فيه نفسيا .. ودي ادور لي على وظيفة افضل من هالوظيفة وبراتب افضل .. لكن خايفة ان قدمت استقالتي من المدرسة اجلس بالبيت ولا الاقي وظيفة ..رغم اني قدمت عن طريق النت في اكثر من مكان.
واحيانا اقول .. انا اداوم الحين وان حصلت لي وظيفة اطلع من المدرسة على طول
لكن انتو عارفين ان الخروج في وسط الدوام صعبة .. يعني الحين بالبداية يكون افضل .. اما اني اطلع في وسط الدراسة والعالم مشغولة .. صعبة
راح يرفضون خروجي وان طلعت وهم مو راضين .. مستحقاتي راح تطلع روحي وبعدين اخذها..
فأيش تنصحوني فيه ..
وبكون لكم شاكره ..