السلام عليكم ورحمة الله وبركاته
بداية أشكرك أخوي خالد البطالة على فتح موضوع للتعريف بماهية شهادة الصيانة الدوليه +A
طبعا فيه عدد كبير من الاخوان والاخوات اللي حابين يحصلون على هذه الشهادة ولكن تمنعهم ظروف المواصلات أو الظروف المادية, طيب مايمنع نتعلم المادة من بيوتنا ونذهب للامتحان فقط.
انا راح اقولكم على فكرة واللي حاب يبداها معاي الله يحييه وأبرك الساعات:
1- الغالبية مننا له خلفيه في الحاسب الالي ومصطلحاته والأمر هذا راح يسهل علينا جزئية كبيره الا وهي الشرح.
2- دراسة المنهج أو المقرر , أخوي خالد حضرتك ممكن تفيدنا برقم إصدار الامتحان علشان لما نذاكر مانذاكر اصدارات قديمة مامنها فائدة واذا ماعلي ك أمر ممكن تزور الرابط اللي راح اضعه هنا وتشوفه وتبدي رايك فيك.
من كم يوم وجدت موقع للأستاذ احمد جودة يتكلم فيه عن هذه الشهادة ومرفق في الموقع 16 محاضره صوتية ومدعومه بالصور لشهادة ال +A بالاضافه لامتحان Test King وهذا هو الموقع:
http://coursat.net/index.php?option=com_content&view=article&id=8:a&c atid=4:a&Itemid=8
طيب راح تسألوني وبعدين؟؟؟؟؟؟؟؟؟؟؟؟؟
سلامة عمركم رحت شريت دفتر أبو 100 ورقة وقلم لكتابة الشرح.
حملت الدروس مع ان حجمها كبير شوي أنصح اللي يبي يحملها يستخدم احد برامج التحميل علشان لما ينقطع التحميل بسبب ظرف تستطيعون اكماله في وقت اخر ومايضيع عليكم الوقت.
بعد ماستمعت للمحاضرة الأولى له ودونت الشرح والملخص قلت في نفسي يابنت افتحي ال Test King وحلي اول كم سؤال وبالفعل حليتها صح ومن ضمن الاسئلة كان فيه سؤال محددين اجابته خطأ وانا اخترت الصحيحه وصححها الاستاذ أحمد جودة وهو يشرح السؤال <<< ترا بعلمكم اني مركزه في المذاكرة.
لو افترضنا ذاكرنا اسبوعيا 4 الى 5 محاضرات خلال شهر بنكون غطينا المادة واحنا في بيوتنا وبعدها نبدا نجتهد ونجيب اسئلة اضافيه من النت ونناقشها ونحلها سوا.
الخطوة الأخيرة نروح الامتحان وبكل ثقة ونمتحن وننجح باذن الله قولوا ان شاااااااااااااء الله.
بهالشكل اختصرنا الوقت والمواصلات والمال وقدرنا نتعلم شي بأنفسنا طالما كان عندنا رغبة في تحقيق هالشي.
وعلشان نبدا بداية حقيقة ابي من كل وحده من البنات راح تبدا معي بجديه علشان نمشي سوا ومع بعض تسجل قبولها للدراسه بهالموضوع ونكون مجموعه عالمسنجر لو حابين خاصه بدراسه مايتعلق بمادة ال +A.
اخيرا وليس اخرا اتمنى من الله العزيز القدير ان يوفقنا ويسهل امرنا وناجحين باذن الله