شوف يا خوي الشغل مو عيب
وخلك من كلام الناس ونظراتهم المتخلفه
يما سمعنا اشخاص كثرين اشتغلو شغله يعيبها الناس
وهي اصلاً ما فيها عيب
وبعد كذا صارو مسؤولين في عملهم
او يجيهم عروض في وظيفيه اخرى
استمر في عملك وصدقني راح يجيك خير منها لابد يسخر الله لك
احد الزبائن ويقدم لك عرض في مجال افضل من هذا
لنه يشوف في شخصيتك قوه لنك كسرت حاجز الخجل
وتقدر تشتغل اي شغله تعف فيها نفسك
وعندك طموح
بعدين دامك انت مرتاح ما عليك من كلام الناس و من نظراتهم
وصدقني عملك هذا مغنيك عن العالم
ياخوي لا تاخذ عملك انه شي صعب معقد وحرج وتتضايق يوم يجي وقت الدوام
بالعكس خذها فله ووناسه اعتبرها انك رايح تتخالط مع الناس
وسهلها على نفسك ترا والله بترتاح
وخلك دايما مجهز الرد
( اذا احد قالك عيب عليك تشتغل في ذا المكان)
(او ما لقيت غير هالشغله)
طيب لنفرظ انك تركت العمل بسبب خجلك
كيف راح تكون حالتك ؟؟؟
كيف بيكون وجهك يوم يجي صاحب العزبه ويدق عليك الباب
ويقولك اعطيني الاجار انت تراك متاخر في الاجار !!!؟
كيف بيكون وظعك يوم يكون نفسك في شي ومو قادر توفره لنفسك؟؟؟
وكيف ..... وكيف .... وكيف ؟؟؟