بسـم الله الرحمـــن الــرحيــم
الله يرزقكم اللي فيــه خيـــر لكــم لكن اخواني حبيت اقــول لكم حاجه انا لي يمكن عدد

كبير من اقاربي موظفين من ارامكو وشركات المقاولات اللي تبع ارامكو بمشاريع

خريص ولي اقاربي من سكان هجرة خريص وعلى فكره انا بنفسي شخصيا كنت

موجود بمشاريع خريص يوم الثلاثاء مساء والى مساء الأربعاء وسالت اغلب الموظفين

اللي هناك وانفوا هالكلام وقالوا اشاعه مو صحيح وانا بنفسي شفت الخيمه وهي ليس لا على طريق خريص الرياض ولا على خريص الهفوف

الخيمه مووقعها داخل عند المشاريع اما من ناحية اللي يبي الوصول للشركات هناك فيوجد طريقين
واحد من طريق خريص الى الهفوف مع الخط القديم وموقع الشركات بعد ماتخلي

خريص بـ 15كيلو تقريبا وانت رايح من الرياض الى الهفوف يصير على جوانب الخط لوحات وارشادات للشركات تخش معها يسار ثم تمشيء 13 كيلو وتجيك الشركات والمشاريع
والخط الثاني مع خط الرياض الى الدمام الخط السريع بعد ماتعدي كوبري خريص وانت رايح للدمام تجيك لوحات على يمينك تودي للشركات تخش معها وتمشيء 20 كيلو وتوصل للشركات

اما من ناحية التوظيف فطريقتهم بعض الشركات تقدم ملفك عندهم وياخذون الملف

وتراجعهم بعد اسبوع ثم يعطونك الخبر طبعا اللي بيقدم يقدم على كم شركه وهو رايح

لايحسب على شركه واحده وخلاص وبعضهم يقولون لك روح لمقر الريسي للشركه اما

بالرياض او الدمام وتقدم هناك هاذا نظامهم ونسيـــت اقول لكم التوظيف مستمر ويوميا ليس محدد بوقت او زمان كل يوم يستلمون ملفات المتقديمين والباقي على الله اما من ناحية الرواتب اقل راتب لديهم وهو 1800 ومتوسط الرواتب لديهم من 2500 الى 4000 هاذا الثانوي والله اعلم الرواتب على مااشوف من اللي اعرفهم والله اعلم حتى من كان لديه شهادة ابتدائي او متوسطه يشغلونهم عمال او سكرتيه رجال امن

اما المميزات والحوافز على حسب الشركه المقدم لها فيه شركات فيه سكن واوفر تايم وبدل مواصلات ومخاطر وشركات بدون سكن انت تشوف لك سكن بهجرة خريص او تسكن مع عزابيه بخريص وهاذا قليل اغلب الشركات يوجد سكن لديها لكن يعطونك بدل سكن اذا مافيه سكن عندهم

وتامينات وساعات العمل اغلبها تكون مدة ست الى عشر ساعات والفطور والغداء والعشاء عليهم طبعا وهم

كل شركه لديها دكتور وممرض للموظفين اربعه وعشرين ساعه لازكمه ولا وجع راس ههه والاداري يعطونه بعض الشركات سياره خاصه له

وخذوا الكلام مني مو من مصدر او من احد مني شخصيا والله على مااقول شهيــد

واللــــه يــوفقكم ويرزقكم برزقه وطاعته