السلام عليكم ورحمة الله وبركاته كيف حالكم >> إن شاء الله بخير المووووهم رحت اليوم كلية الملك فهد الأمنية الساعة 11 و خمس دقايق بعدين تجلس برى عند البوابة لين يفتحونها تقدر تقولون فيه زحمه شوي و لكن إصبروا المهم يجيكم باص يأخذكم من عند البوابة إلى مكانهم اللي يقوسون الطول و الوزن فيه ترى قريب حوالي 2 كيلو بس إذا وصلتوا تجلسون على كراسي و يعطونكم نموذج متابعة مكتوب فيه المرحلة الأولى و المرحلة و الثانية >> المرحلة الأولى عبارة عن البصمات و الطول و الوزن و تسليم الأوراق و العيون و أذن و أنف و حنجرة و أسنان الضغط و النبض و تحليل دم و بول تجلسون عندهم حوالي ساعتين إلى ثلاث ساعات تجيبون معكم حوالي 8 صور مكشوف الرأس 4*6 >> ماهو أربع أول ماتدخل 2 و تسليم الأوراق 4 و الفحص الطبي 2 ثم تراجعهم من بكره على المرحلة الثانية و جراحة و باطنية نفسية المقابلة الشخصية استلام طلب الالتحاق النهائي اللياقة البدنية ترى الطول و الوزن لازم تفسخون الفنيلة و تبقون السروال حق الرياضة فقط ثم تقوسون الطول و الوزن ترى تقدرون تقولون إنهم متشددين في الطول و لو ينقصك نص راح يطردونك و الله إني شايف واحد طردوه أنصحكم تلبسون بدلة رياضية أسهل من الثوب و بالنسبة لي بكره راح أراجعهم لأني رحت اليوم و يبقى لي بكره و دعواتكم لي بالتوفيق ..