السلام عليكم ورحمة الله وبركاته
جلست بساعة المشرق على شط البحـر سهران
أقلّب دفتر الماضي على صفحـــــــــــــات وجدانك
تهيّج بالشعر فكري وترجم للغرام ألحـــــــــــــــان
قصيدة قلـــت أبنثرها وأبكتبها على شـــــــــــــانك
أنا يابحر مـــاجيتك أبروي بــــك ظمى عطشـــان
ولا جيت آخـــذ اللؤلؤ أو أرجي منك مــــــرجانك
أنا جيت أنثر همومٍ ملاها الحـــــزن والحــــرمان
وأزوْد همومك بهمي وأضمّ الحــــزن لأحــــزانك
أنا جيت أرمي أوراق الحــزن في عالم النسيان
أنا جيت أدفن القلب اليتيم بغربة أوطــــــــــــانك
أنا جيت أذرف دمـوعٍ بـــكتها عينــــي بكتمــــان
أكفكفها وتعصـــــــاني ياشين الدمـــــــع لاخانك
دخيلك يابحــــــــر تكفـــى دخيل اللؤلؤ والمرجان
دخيـــــــل الموجة الزرقاء وياقوتك وحــــــيتانك
دخيل الشمس إذا شعشع سناها وأقفـت بحسبان
دخيل المركب اللي يرتجف من ذل طـــــــــــغيانك
دخيلك يابحـــــــــر قله أنا لــك عاشــــق وولهان
أنا مخاوي الحــــزن دونك بعد فرقاك وهــجرانك
أنا من غبت مثل الورد يموت من الظمــــى ذبلان
يمــــوت ولا يبي إلا يــــــعيش بوسط بستـــــــانك
أنا كنـــي سفينة واجهت في بحــــــــــرك الطوفان
أنا كـــني غريقٍ في وســــــــط قلبك وشـــــريانك
سهــرت الليل بغيابك على كــــــف الألم تعبـــــان
أحسب إني رويتك وأثرني مازلت عطشـــــــــانك
تعبت .. ومالقيت إلا الشقـى في واحــــــة الخذلان
شقيت .. ومالقيت إلا التعب في بحـــــــــر نسيانك
,
أنا ما أنسى غرامك لو يكون اللــي يكون إن كان
ولا أنسى كنت أنا في يوم كل الناس فـــــــــاعيانك
ولا أنسى حـــــبك الوافي من سنينٍ مضت وأزمان
ولا أنســــى دمعة افراقك ولاانسى لمّة أحـضانك
أنا وشلون أبنســـــى ضحــــكتك والموعد الخجلان
عســـــى تنساني الدنيا إذا حـــــــــاولت نسيانـــــك
صحــــــــيح إنسـان بوجودك ومن دونك أنا إنسان
لأني ما خضــــعت إلا لمن هــــــو عزّ من شــــانك
عطاني حــــــبك الصافي وحــط بقلبـــــي البرهان
ومكّــــن بالحـشا إسمك ورسمــــت القلب بألوانك
أبي ترحـــــــم عزيز القــــوم لاينــــذل أو ينــــهان
وأبي تذـــــكر فؤادٍ مــــالــــدربه غير عنــــوانــك
وأبيك تشمني لا من ذكرت المسك والريحــــــان
وأبيك تلمنـــــي لا من نثرت الدمــــع بأوجــــانك
وأبي ترسمني بصورة تبروزها على الــــجدران
على جدار الوفا ما بين صدرك وبين حــــــجّانك
أنا وشلون أغني وأعزف البسمة على الألحــان
وأنا وشلون أحــــلّق في سماك بدون جنحــــانك
يقولون العرب وش حــــالتك يامخاوي الأحزان
ترى منت الوحيد اللي غدرك الوقت أو خـــــانك
ترى الدنيـــــا صـــغيرة وأنت خـــــابر مالها أمان
تبسم وارســـم البسمة على ربعك وخــــــــــلاّنك
وأقول اللي سمع ماهــــو مثل من شاف بالأعيان
تشوف الموت ولا تقدر تحـــرك كـــــــلمة بلسانك
ذبحــني الود وطول البعد ذبحني مــفارق الــــخلاّن
ولكن حــــكمــة المـــعبود رب الكــــــــون سبحانك
أبرجي ربي المـــــــــولى عظيم الشان والإحـسان
يكفّر مـــــاجرى مني .. ألا يـــــارب غفــــــــــرانك
أعذروووني ع الأطاله 