السلام عليكم ورحمة الله وبركاته
القلب ما باعك على شان تنسـاه
لا واحسافه ليه غبـت و نسيتـه
هذا جزا من متعك فـي عطايـاه
والا هواك انسان غيري وهويتـه
كل ما بغيت القلب ترجع وتلقـاه
ما كان يقصر فيك مهما عصيتـه
يجيك قلبي مندفع لك من اقصـاه
لامن بغيت باي حاجـه وجيتـه
لجلك خسرت انسان غالي وذكراه
يهتز قلبي واحتـرق لا طريتـه
هـذاك لامنـي تزاعلـت ويـاه
خليت كل الناس ومريـت بيتـه
عزاه لـو انـه نسانـي وعـزاه
لو اتصلت بهاتفـه ومـا لقيتـه
اي والله انه غاب وقلبي تحـراه
واقول ليته مـا نسانـي وليتـه
يذكر حبيبن ضاع عمـره بليـاه
ويذكرغلاي وكل شـي عطيتـه
خليتني اندم علـى يـوم فرقـاه
ياليتني بعتك ورحـت وشريتـه
القلب به همين وكل هـم مقسـاه
عذبنـي الاول والاخـر بكيتـه
لما عشيـره راح عنـه وخـلاه
ولما اخـذ اللـي تبيـه ونسيتـه
منقول للامانه
تحياتي