معاد لي قدرة على شيلة الثوب
الوقت لبسني من الهم ثوبه
واللي يصيب العبد في اللوح مكتوب..
صرف الدهر ملزوم تسلك دروبه
والصبر لاجاء حزة الضيق مطلوب
والدين يأمر كل عبد بوجوبه
رجواك باللي رد يوسف ليعقوب
الواحد اللي قابل كل توبه
وادله ولو تفقد عزيزٍ ومحبوب
من عاصر الدنيا يشوف العجوبه
مابعد عسر وهم وأوجاع وتعوب
إلا فرج وأفراح وأجر ومثوبه
من قبلنا يوسف ويونس وأيوب
دار الزمن فيهم ولا عيبوبه
والرجل لا جاء فيه عيبٍ وعذروب
غلطة عمر صارت عليه محسوبه
ومن لاصبر لاحل في القلب لاهوب
تكثر هواجيسه وتكثر ذنوبه
الرابح اللي مات ماحصل ذنوب
وجنب دروب الغي واللي مشوبه
الشاعر /تركي الفيصل
عزالله انه شآعر